Ditzionàriu in línia
de sa limba e de sa cultura sarda

bitzàrra , nf: bizarra, pisarra Definizione perda de b. = pedra de lavagna Sinonimi e contrari predabbàina Frasi su tufu frorit capitellus, guarnissas de bitzarra ◊ s'iscala fiat a gradinus de bizarra asula Etimo spn. Traduzioni Francese ardoise Inglese slate Spagnolo pizarra Italiano ardèsia Tedesco Schiefer.

liporrínu , nm, agt Definizione una genia de orroca coment'e codina, essit a pígios e orrugos piticos, unu pagu coment'e pedra tziporra Sinonimi e contrari lisporra 1 Etimo srd Traduzioni Francese micaschiste, schisteux Inglese schist, schistose Spagnolo esquisto Italiano scisto, scistóso Tedesco Glimmerschiefer, Schiefer.

pedrabbàina , nf Definizione genia de pedra niedha chi essit a pígios, adata po fàere lavagnas, po téula de caberturas, a leminàrgios Sinonimi e contrari bitzarra Frasi est essida sa mere e si est posta in sa pedrabbàina de su giannile ◊ su pamentu de sa crésia fit fatu a pedrabbàina Traduzioni Francese ardoise Inglese slate Spagnolo pizarra Italiano ardèsia Tedesco Schiefer.