altudhàre , vrb: artudhare, artzudhare, astudhare, atudhare Definizione pònnere sa tzudha, fàere inteterare su pilu, intrare su fritu de s'assíchidu, de sa timoria; fintzes arrennegare Sinonimi e contrari aciuciudhae, altudhire, apilurtzie, arpilare, assunciudhai, aturtudhire, atzultzudhare, impilurtzai, impriutzai Frasi fit artudhadu a su fritu e a su fàmene 2. mamas chin fizos morzendhe de fàmine sunt cosas chi faghent altudhare ◊ un'aerita de ispreu mi artudhat sa carena (P.Fae)◊ si li fit atudhada sa carena pessandhe de pòdere favedhare gai a su frade (S.Spiggia)◊ mancari si artzudhet, isse, si dha faent abbassare sa coa! ◊ mi ndhe altudhat sa pedhe Etimo srd. Traduzioni Francese faire dresser les cheveux sur la tête (herisser), frissonner de froid, frissonner d'horreur Inglese to make s.o.'s hair stand on end, to shudder Spagnolo espeluznar, ponérsele los pelos de punta Italiano far rizzare i capélli, rabbrividire Tedesco die Haare sträuben, schaudern.

arpilàre , vrb: aspilare, elpilare, orpilare, urpilare* Definizione artudhare, fàere ateterare su pilu in sa carena, pònnere sa tzudha de s'apantàviu, de s'assíchidu, o fintzes de s'umidore Sinonimi e contrari altudhare, arpilire, assunciudhai, astriare, istriare 1 Frasi de fronte a totu cussos animales si arpileit e ndhe resteit disgustadu ◊ titillias de fritu mi arpilant sa carena Traduzioni Francese frissonner Inglese to shudder Spagnolo estremecerse Italiano rabbrividire Tedesco schaudern.

impriutzài , vrb Definizione fàere atzudhare is pilos, pònnere sa tzudha, intrare su fritu de s’assíchidu, de sa timoria Sinonimi e contrari aciuciudhae, apriutzai, altudhare, altudhire, arpilare, assunciudhai, aturtudhire, atzultzudhare, impilurtzai Traduzioni Francese frissonner Inglese to shudder Spagnolo estremecerse Italiano rabbrividire Tedesco schaudern.

ispràma , nf, nm: ispramma, isprammu, ispramu, sprama Definizione assíchidu forte, de ndhe apèrrere su coro Sinonimi e contrari acíchidu, arrore, asciuconu, assàntiu, assàrtiu, assúmbridu, assústidu, atzudhimentu, ilgiru, ispràmminu Frasi sa càtzia russa fit un'isprammu mannu pro sos porcrabos de Monte Santu ◊ candho abbàido a su conzu, si est bóidu in terra ruo e de isprammu mi fuo! ◊ comente bi est coladu su fogu, su restuju est un'isprammu de chijina ◊ la moris a isprammu, ca at sa debbilesa de tímmere ◊ cudhu chi cheriat dare prova de corazu est mortu de ispramu ◊ unu tronu a isprammu lu ischidesit Etimo ctl. espalm(e) Traduzioni Francese horreur Inglese horror Spagnolo espanto, horror Italiano raccaprìccio Tedesco Schaudern.

ispramài, ispramàre , vrb: isprammare, spramai Definizione tímere, pigare assíchidu, fàere a tímere meda Sinonimi e contrari acicai, apramare, asciuconare, asciustrare, assantiare, aterrighinare, isprauriri, isturdinare, sadhie, spetziai, stremessiri Frasi bidindhe sa mere ruta, sa teraca s'isprammat e comintzat a pònnere sas boghes ◊ su fragassu at fatu isprammare finas un'ómine valorosu ◊ sos astores falant in sas cussorzas isprammendhe sas chedhas apaxiadas ◊ bi at chie zàgarat su cane isprammàndhelu cun carchi frunzita Etimo ctl. espalmar Traduzioni Francese frémir d'horreur, horrifier Inglese to be horrified Spagnolo horripilar, espeluznar Italiano raccapricciare, inorridire Tedesco schaudern, entsetzen.

istriàre 1 , vrb Definizione sentire istriore de su fritu o de sa timoria Sinonimi e contrari arpilare, astriare* Traduzioni Francese frémir d'horreur Inglese to be appalled Spagnolo espeluznarse Italiano raccapricciare Tedesco schaudern.

stremessíri , vrb: estremessiri* Definizione trèmere totu de s'assíchidu, de sa timoria Sinonimi e contrari acicai, asciuconare, asciustrare, aterrighinare, ilgirare, ispantamare, ispramai, istrementire, isturdinare 2. Maria dh'iat bitu, stremessia de cara, morta in terra fiat istada narendu "O fillu miu!" Traduzioni Francese sursauter Inglese to shudder, to give a start Spagnolo estremecer Italiano sussultare, rabbrividire Tedesco zusammenzucken, schaudern.

trinicàre , vrb: trinigare, trinnigare Definizione trèmere, su si trèmere totu, mòvere, su si mòvere a iscutuladura, a tremidura Sinonimi e contrari busigare, sachedhare, saidare, tidhiricare, trèmere, tremuai Frasi mi trinnigaia che foza, de su fritu ◊ mi paret chi mi pungant a puntorzu e mi ndhe trínnigo in totu sa carena ◊ ti trínnigas in s'íntimu ammentendhe sos basos, sas promissas ◊ s'ischideit atriciatrícia de suore, trinnighèndhesi che canna pro unu sónniu feu 2. sos furfurajos afainaos, trinicandhe sas alas, pariant chene pache ◊ no mi trínnighes! ◊ susuja, rocu e loros asseguras, a unu a unu dogni arminzu aparas e trínnigas s'aradu e totu esploras (P.Casu)◊ su bentu no trínnigat mancu sas fozas 3. si est trinnighendhe, s'aera est minetendhe tempesta 4. acumpanzat sos movimentos de sas pedaladas trinnighendhe pagu pagu sa conca a manca e a dresta Etimo srd. Traduzioni Francese trembler, frissonner, secouer Inglese to tremble, to shiver, to shake Spagnolo temblar, estremecerse, sacudir Italiano tremare, rabbrividire, scrollare Tedesco zittern, schaudern, schütteln.

«« Cerca di nuovo