Ditzionàriu in línia
de sa limba e de sa cultura sarda

bardòne , nm: bedrone, beldone, berdone, berdoni Definizione ortigu mascu, su primu pígiu de su corgiolu de is suèrgios, su chi si ndhe leat sa primu borta in su tretu de su truncu inue sa mata depet fàere su ortigu: a parte de foras si tzacat cantu prus ingrussat, est bidrànciu ca, tenendho is matessi annos de sa mata in sa parte ue no si ndhe bogat, dhu'est créschia sa lanedha birde Sinonimi e contrari gardone*, túvulu Terminologia scientifica rbr Traduzioni Francese écorce du chêne-liège, liège mâle Inglese cork-tree bark Spagnolo corcho bornizo Italiano sugheróne Tedesco männlicher Kork.

boltíju , nm: bortigu, bortixu, bultigu, bultiju Definizione su de duos corgiolos de su suérgiu, su chi si ndhe bogat dónnia noe annos, candho est prus grussu, bonu po isolantes, tapos e àteru Sinonimi e contrari boltiju, corticru*, forticru, oltígiu, urtiche, vrustica Frasi sa tita mia est sica che bultiju… tue ses sedhalitu e no ses biju, ne a tempus de suer ses ancora (Tucone) Terminologia scientifica rbr Traduzioni Francese liège, liège femelle Inglese cork Spagnolo corcho Italiano sùghero Tedesco Kork.

fortícru, fortícu , nm: furtiche, furticu Definizione sa de duos corgiolos de su suérgiu bonu po isolantes, tapos e àteru, su chi arresurtat prus a fora, su ortigu Sinonimi e contrari boltígulu, boltiju, corticru*, oltígiu, urtiche, vrustica Frasi est bocandhe furticu pro ammaniare mojos ◊ mi so sétiu in s'iscannedhu de furticu ◊ su pitzinnu s'at fatu sas barchitas de furtiche Terminologia scientifica rbr. Traduzioni Francese liège Inglese cork Spagnolo corcho Italiano sùghero Tedesco Kork.

gardòne , nm: gherdone Definizione su primu pígiu de corgiolu chi faet su suérgiu, totu tzacau Sinonimi e contrari bardone, túvulu Frasi carrandhe cotzichina chin gherdone sa pitzinnia mi ndh’apo colau ◊ canno fipo unu funnu de ostricu, comente mi aggradaiat a èssere vestitu de gherdone! Cognomi e Proverbi smb: Gardone Terminologia scientifica rbr Traduzioni Francese écorce du chêne-liège, liège mâle Inglese cork-tree bark Spagnolo corcho bornizo Italiano sugheróne Tedesco männlicher Kork.

oltígiu , nm: oltixu, orteghe, ortighe, orticu, ortigu, ortiju, ortíulu, ortrigu, ostixu, ostricu, otighe, ultígiu Definizione su de duos corgiolos de su suérgiu, lébiu e bonu po isolantes, tapos e àteru / fundhu de ostricu = mata de suérgiu; ortigu mascu = berdone Sinonimi e contrari boltígulu, boltiju, corticru*, forticru, urtiche, vrustica Modi di dire csn: bogare o. = iscroxai su suérgiu, pigaindi s'ortigu fatu; o. predosu = calidadi grai e pabedhosu asuta; èssere de o. (nadu de ccn.)= no sentire nudha, èssere chentza sentidu pro peruna cosa; èssere a cara de o. = isfacius, sentza de bregúngia nudha; asciutu che o. (nau de cosas de papai)= assutu che linna, sentza de àcua nudha Frasi Antoni fortzas de ostricu chin su nare che funtana! ◊ pasteras de ostixu ◊ sos poetas sunt mudos che suerzu, ca àteros si bendhent su ortiju…◊ tui ses corriatzu coment'e s'ortigu! ◊ bollu unu bistiri de ortigu cun s'arruscu interu Terminologia scientifica rbr Traduzioni Francese liège femelle Inglese cork Spagnolo corcho Italiano sùghero Tedesco Kork.

urtíche, urtícu , nm: urtigu, urtígliu, usticu, ustiju, ustriche, ustricu Definizione su de duos corgiolos de su suérgiu bonu po isolantes, tapos e àteru Sinonimi e contrari boltígulu, boltiju, corticru*, forticru, oltígiu, vrustica Terminologia scientifica rbr Traduzioni Francese liège Inglese cork Spagnolo corcho Italiano sùghero Tedesco Kork.