Ditzionàriu in línia
de sa limba e de sa cultura sarda

aggargalài, aggargalàre , vrb Definizione fàere una moida o sonu coment'e de abba budhindho, chi si pesat a búdhidu, chi orruet de artu in mesu de abba etotu Sinonimi e contrari abbrubudhai, abbrufulai, acrocuai, aggorgotai, borbogliare, froculare, groggolare, gurgulliare Etimo srd. Traduzioni Francese gargouiller Inglese to bubble Spagnolo gorgotear Italiano gorgogliare Tedesco gurgeln.

brofolàre , vrb: abbrufulai, brufuai, brufulai, brufulare, brufuliare, bufulai, bunfulae Definizione si narat de su búdhidu chi pesat sa pulenta, cosa cagiada, o àtera cosa posta a budhire, nau fintzes in su sensu de birare a fora Sinonimi e contrari abbrodhiare, abbrubudhai, acrocuai, aggargalai, aggorgotai, amprudhiare, atrafudhai, borbogliare, froculare, groggolare, gurgulliare Frasi intendhat, mammai, brufuendi su cafei: currat debressi! ◊ budhat bene sa padedha mia: si s'anzena brúfulat no mi ne impoltat! ◊ in sa forredha, sa cafetera brufúliat istídhigos de cafei faendho fríere sa braja ◊ at agatau su pane aghedandho totu brufuliau de su tianu ◊ sa cuba est brofolandhe 2. fiat brufuendi che unu broticu e cacendi e isturridendi ◊ no m'iscòntzisti, ca seu giai brufuendi! Etimo srd. Traduzioni Francese bouillonner, gargouiller Inglese to gurgle Spagnolo gorgotear, borbollar Italiano gorgogliare Tedesco gurgeln.

bumbugliàre , vrb Definizione sa moida chi faet s'abba, coment'e budhindho, candho calat a meda in is errios Sinonimi e contrari bumbullonare, gurgulliare Frasi su bumbugliare de trainos e rios, in iscóglios sos búrulos marinos ◊ s'abba bumbúgliat falendhe in sos rios Etimo srd. Traduzioni Francese bouillonner, gargouiller Inglese to gurgle Spagnolo gorgotear Italiano gorgogliare Tedesco gurgeln.

bumbuliscàre , vrb Definizione fàere su gurgulisci, sa crocoladura in su gúturu, genia de samunóngiu chi si faet poderandho abba o meighina in su gúturu serrau e faendho essire pagu pagu de ària Sinonimi e contrari gargarizai Traduzioni Francese se gargariser Inglese to gargle Spagnolo gargarizar Italiano gargarizzare Tedesco gurgeln.

cocolàe , vrb: acrocuai, corcolai, creculai, creculare, crocobai, crocogliare, crocolai, crocolare, crocoliai, crocoliare, crocollare, crocuai, croculai, croculare Definizione fàere una moida che de abba budhindho, chi si pesat a búdhidu, chi orruet de artu in mesu de abba etotu, ma fintzes budhire etotu (e si narat de sa fràmmula de su fogu puru); nau de is pudhas, e fintzes de àteros animales, chi istant cantandho cro! cro!, o chi faent sa boghe coment'e frochindho (nau de brebès, istare a iscràmios tzerriandho s'angione); nau in cobertantza de fémina, fàere s'isfacia, sa pibiruda / crocolare una cosa = pònnere a budhire in s'abba Sinonimi e contrari abbrubudhai, abbrufulai, aggargalai, aggorgotai, borbogliare, brocoliare, froculare, groggolare / calcarare / chiochire, clocire, forcire, tzotzire Frasi sas undhas si fragassant in s'iscógliu, cróculant che atzolas in labia ◊ in su fogu dhui at una pingiada crocobendu ◊ sa mitza est crocólia crocólia, si chèsciat ◊ portu sa brenti sempri crocolendi ◊ po su tussi si faet crocolare binu biancu cun tzúcuru e si bufat budhiu ◊ at fatu unu piastu cun ebras crocoladas ◊ sa pignada est crocolandho coendho castagna 2. ciuat sa tonca, créculat sa rana, grígliat su grígliu ◊ sos caos marinos sunt croculendhe ◊ su corbu fit croculendhe cun totu s'arguena ◊ is pudhas funt crocuendi ◊ sa berbeghe est creculendhe pro s'anzone 3. ge as coitau a crocuai… poresta abetai a oi a si dhu fai isciri! Terminologia scientifica bga Etimo srd. Traduzioni Francese bouillonner, glousser Inglese to gurgle, to chuckle Spagnolo gorgotear, cloquear Italiano gorgogliare, chiocciare Tedesco gurgeln.

crocoladúra , nf Definizione su crocolare, genia de moida de abba budhindho, o de fogu allutu a fràmmula, fintzes sa moida e genia de samunóngiu chi si faet in buca mantenendho abba o meighina in s'ingurtidórgiu serrau e faendhodha coment'e budhire faendho passare pagu pagu de ària in essia de is prumones Sinonimi e contrari gongollotza, gragallizu Etimo srd. Traduzioni Francese gargarisme Inglese gargle Spagnolo gárgaras Italiano gargarismo Tedesco Gurgeln.

cróculu , nm: gróggulu Definizione arrumóriu de s'abba chi orruet de artu, essit, budhit, o si movet (fintzes in bentre): a logos dhu narant fintzes a sa boghe de su porcu; miza de abba Sinonimi e contrari crocólliu, crocu 1, gurgúlliu, iscróculu, sbrufúliu / cróchida, cróchidu / bena, càntaru Frasi at pigau su frascu e at bufau a cróculu ◊ in su mudore de sa cussorza s'intenniat solu su cróculu de sa funtana, illassizanne ◊ s'intendit su cróculu allirgu de is arrius ◊ no s'intendhet su cróculu de su mannale 2. su cróculu de s'abba est semper bunnante 3. zughiat su sàmbene falanne a cróculu Etimo srd. Traduzioni Francese gargouillis, grondement, bruit Inglese gurgling Spagnolo gorgoteo Italiano gorgoglìo, scròscio Tedesco Gurgeln, Rauschen.

currulàre , vrb Definizione fàere tzàcurros, sonos in bentre, fàere a cròcolos Sinonimi e contrari borulare 1 Etimo srd. Traduzioni Francese gargouiller Inglese to gurgle Spagnolo hacer borborigmos Italiano borbogliare Tedesco gurgeln.

gragallízu , nm Definizione genia de samunóngiu chi si faet in su tretu de su gúturu agguantandho abba o meighina in s'ingurtidórgiu serrau e faendhodha coment'e budhire faendho essire pagu pagu de ària Sinonimi e contrari crocoladura, gurgulisci Traduzioni Francese gargarisme Inglese gargle Spagnolo gárgaras Italiano gargarismo Tedesco Gurgeln.