Legenda Abbreviazioni | Legenda Simboli

allúta , nf Definizione su allúere (de su fogu, de una lughe o àteru, fintzes de su pentzamentu); dificurtade manna, su si agatare in apretu o arriscu malu Sinonimi e contrari acispada, aframata, alluchetada, allumada, tenta / apretu, arriscu Frasi s'alluta chi at fatu su fogu, za at coitadu a budhire, s'abba! ◊ in tzertos momentos si at coment'e un’alluta de atuamentu (N.Falconi) 2. si ndhe aiat bidu, de allutas, in sa vida sua: a candho at bidu bochindhe zente, a candho s'est agatadu in gherra, a candho che lu fit trazendhe su riu! ◊ si ndhe at bidu, de allutas, Pontetzu: pessa chi l'apo connotu deo a che li colare s'abba fintzas subra! Etimo srd. Traduzioni Francese flambée Inglese serious danger, burst of flame Spagnolo llamarada, peligro Italiano fiammata, grave perìcolo Tedesco Flamme, große Gefahr.

arríscu , nm: erriscu, riscu Definizione perígulu de àere dannu o calecunu male, nau fintzes in su sensu de atrivimentu a fàere cosa perigulosa Sinonimi e contrari pergiudísciu Modi di dire csn: pònneresi in arriscos; èssiri in arriscu de… = èssere in perígulu de…; arriscu de… = in perígulos de… Frasi mi so bidu in malu arriscu: pro cussu, si bi torro, mezus tuco chin su cabadhu de Santu Frantziscu (A.G.Solinas)◊ s'arriscu giughet a fungudos isetos de pena ◊ si ponet in arriscu chircandhe s'iscusórgiu! 2. no seu seguru aintru miu de fai cust'arriscu! 3. arriscu de t'ingolli tui puru! Etimo ctl., spn. arrisc, arrisco Traduzioni Francese risque Inglese danger Spagnolo riesgo Italiano ríschio Tedesco Gefahr.

perículu , nm: perígulu, pirígulu Definizione possibbilidade de dannu, de male, de farta Sinonimi e contrari arriscu Modi di dire csn: in perígulos de..., a perígulu de… = in arriscos de...; no b'est su perígulu chi… = balla ca no, est seguru chi no… Frasi a logu de perígulu no bi cheret andhadu ◊ si negossiabat de sa pagura chi fit prenandhe su locu de su perículu de un'àtera gherra ◊ non ci at a èssi perígulu chi dèu abarri incassillau me innòi? ◊ no ti ponzas cue ca bi at perígulu! 2. isetendhe a ponner ranu s'orzu, su trigu, s'avena, apitu a sa cos'anzena in perígulos de vida! (G.Raga)◊ si ponit a isconchiai, a movi is bratzus, a perígulu de nci dh'arrui totu su paperàmini a terra (F.Carlini)◊ - Tantu za benit a ti azuare fizu tou!… - No bi est su perígulu!… Etimo itl. Traduzioni Francese danger Inglese danger Spagnolo peligro Italiano perícolo Tedesco Gefahr.

«« Cerca di nuovo