Ditzionàriu in línia
de sa limba e de sa cultura sarda

casciaròla , nf: cassalora, cassarola, cassarora Definizione genia de istrégiu po còere cosa, prus che àteru de terra martada, de arràmene, a costaos artighinos Sinonimi e contrari tiana Frasi che apo leadu su pische pro lu fríere in sa cassalora ◊ est unu vasu a forma de casciarola ◊ dhoi tenit màrigas e iscifedhas, pingiaras, cassarolas e frascus ◊ at comporatu cassarolas e lapiolos dae sos ramanajos isilesos Terminologia scientifica stz Etimo itl. Traduzioni Francese casserole Inglese saucepan Spagnolo cacerola Italiano casseruòla, tegame Tedesco Schmortopf.

fressonèra , nf: friscionera, frissonera Definizione genia de istrégiu a costaos bàscios, a un'asa, po còere (mescamente fríere) cosa Sinonimi e contrari càcaba, cardera, frisciola, grassanera, ischiscionera, saltàina Terminologia scientifica stz Etimo ctl. grexonera + frissu Traduzioni Francese poêle Inglese pan Spagnolo sartén Italiano tegame Tedesco Pfanne.

ischiscionèra , nf: ischissionera, ischissonera, schiscinera Definizione genia de istrégiu mescamente de terra a una o a duas asas, largu, a costaos bàscios po còere e mescamente fríere cosa; genia de papare fatu cun cosa de mare (pische, cóciula) Sinonimi e contrari càcaba, cardera, fressonera, gofàina, grassanera, saltàina, tiana Frasi dae s'ischiscionera bogaiant macarrones e seadas ◊ est chi tenzo passéntzia, sinono cussa pudhighina fit istada coghendhe in s'ischiscionera! Terminologia scientifica stz Traduzioni Francese poêle Inglese pan Spagnolo cazuela Italiano tegame, padèlla Tedesco Pfanne.

tiàna , nf, nm: tiani, tianu Definizione genia de istrégiu tundhu, prus che àteru de terra, a costaos no tanti artos, a duas asas, po còere cosa a cassola, fàere bagna e àteru (fintzes istrégiu chentza asas, tundhu, de manigiare in coghina, de atzàrgiu, plàstica o àteru); istrégiu prus mannu po impastare farra a fàere pane o pònnere cosa / min. tianedha Sinonimi e contrari casciarola, grassanera, padincolu / lebbreri, tavania Frasi no bi ndh'at prus de conzolalzos chi faghent scivedhas e tianas ◊ giuchet unu tianu pro piatu ◊ animali tropu afissiau mellus ispérdiu, mellus in su tiani! ◊ at postu sa tiani ◊ at cumassadu sa símula intro de una tianedha de terra ◊ at impastau sa farra in su tianu po fàere su pane de sa chida Terminologia scientifica stz Etimo itl. tianu Traduzioni Francese poêle Inglese pan Spagnolo cacerola Italiano tegame Tedesco Pfanne.