Legenda Abbreviazioni | Legenda Simboli

acuntentaméntu , nm Definizione su giare su cuntentu, su si acuntentare Sinonimi e contrari acuntentu, atatina, contentu, saltifascione Etimo srd. Traduzioni Francese satisfaction Inglese satisfaction Spagnolo satisfacción Italiano soddisfazióne Tedesco Befriedigung.

conténtu , agt, nm: acuntentu, cuntentu Definizione chi est provandho cuntentesa, prexu; s'alléviu, su praxere chi si provat comente passat unu bisóngiu, unu disígiu, una suferéntzia Sinonimi e contrari allegru, apagnau, caléschidu, diciosu, pregiau, pregiosu, satisfau / acuntentamentu, cuntentesa, prégiu, saltifascione, ufania | ctr. dispiàchiu, iscuntentu / dispiachere Modi di dire csn: cuntentu che pasca = prexau meda, cuntentone; èssere malu a c. = malu a cuntentare, chi no si acuntentat gai fàtzile fàtzile; dare su cuntentu a ccn. = acuntentaidhu, donai su chi est circhendi Frasi ndhe so cuntentu meda de comente est andhada ◊ como za est cuntentu ca est cun s'ammorada! ◊ seu cuntenta chi cantit ◊ Luisicu fiat cuntentu de biri a Sara prexada che una pasca 2. a su cuntentu tou siat! ◊ is fillus funt trotus ca dhus pesaus cun totus is cuntentus ◊ deo ndhe aia sos turmentos, àtere sos cuntentos ◊ li lughiant sos ojos de cuntentu (P.Fae)◊ su Signori est acanta in s'ora de su dolori e de su cuntentu ◊ donat milli cuntentus una mirada tua ◊ chi tenzant fortuna a su cuntentu issoro! Traduzioni Francese content, joie, satisfaction Inglese glad, content, satisfaction Spagnolo contento, contento Italiano contènto, lièto, contentézza, soddisfazióne Tedesco froh, Freude.

saltifasciòne, saltifassiòne , nf: santifassone, satisfassione, satisfatzione, satisfatzioni, soddisfassione, sodisfacione, sudisfatzione Definizione cuntentesa chi si provat po calecuna cosa andhada comente si boliat, in bonu Sinonimi e contrari acuntentamentu, astifascione, conciolu, contentu, istifascione, satisfamentu Frasi no mi dispacet fin'a chi li dia saltifascione ◊ at donau a genti meda sa satisfatzioni de biri pinturas e disignus ◊ candho est cotu a satisfassione si li abbundhat su sólitu latinu…◊ ti fato unu cantu ca mi as dadu satisfatzione Traduzioni Francese satisfaction Inglese satisfaction Spagnolo satisfacción Italiano soddisfazióne Tedesco Befriedigung.

«« Cerca di nuovo