Ditzionàriu in línia
de sa limba e de sa cultura sarda

deldiciàdu, deldiciàtu , agt, nm: derditzau, diddiciau, dildiciadu, dirditzau, disdiciadu, disdiciau, disdisciadu, disditzau, trediciau Definizione chi o chie at tentu o tenet mala fortuna, dannos mannos o chi dónnia cosa dhi andhat male; chi portat disdícia, isfortuna Sinonimi e contrari disagurau, disdiciosu, irgianadu, istraliosu, mabassortau, malafadau, scedau / cdh. disdiciatu | ctr. afortunadu, diciosu Frasi deldiciados, custa disaura est tochimentu contra a sos pecados! ◊ mai prus, a mei, disdiciada, cuntzédiu at a èssi s'ogu de custa luxi! (P.Rombi)◊ pro olvidare canta, disdiciadu! ◊ disdiciadu, su chi mi est rutu ite raju niedhu! (P.Mossa)◊ a dolu mannu, so derditzau! ◊ a sa deldiciata che li cheriant segare sa conca 2. tonca e istria sunt puzones disdiciados de sa note Cognomi e Proverbi prb: no faltat pena a chie est disdiciadu Etimo spn. Traduzioni Francese malheureux, malchanceux Inglese unfortunate Spagnolo desdichado Italiano disgraziato, sfortunato Tedesco unglücklich, Unglücksmensch.

difortunàdu , agt, nm: disfortunadu, disfurtunau Definizione chi no at tentu o no tenet fortuna Sinonimi e contrari deldiciadu, disagurau, irgianadu, istraliosu, mabassortau, malafadau, malafortunau, scedau | ctr. afoltunadu, diciosu Frasi ite difortunata a mòrrere chene cròmpere s'annu!◊ piciocu trabballanti, arrispetosu, ma pagu sortosu, unu paghedhu disfortunau cun is piciocas! 2. fiat totu afrigia e iat nau ca fiat sa disfortunada de bidha Traduzioni Francese malheureux Inglese unlucky Spagnolo desdichado, desafortunado Italiano sfortunato Tedesco unglücklich, unglücklicher Mensch.

ifoltunàdu , agt: ifurtunadu, ifortunadu, irfortunadu, irfortunau, isfortunadu, isfortunau Definizione chi no at tentu o no tenet fortuna, sorte bona, chi est cracandhodhu sa mala sorte, chi meda cosa li andhat male Sinonimi e contrari deldiciadu, difortunadu, disagurau, irgianadu, isfatatu, mabassortau, malafadau, malafortunau, scedau, sciortunau | ctr. afoltunadu, assortadu, diciosu Frasi est una terra meda ifoltunada ◊ so fizu de una terra ifortunada immentigada suta 'e chelos malos (Farina)◊ sa fémina fut prus isfortunada de is ómines, fut prus iscurtza chi no cartzada Traduzioni Francese malchanceux Inglese unlucky Spagnolo desdichado Italiano sfortunato Tedesco unglücklich.

mabassortàu , agt, nm: malassortadu, malassortau Definizione chi o chie no at tentu o no tenet sorte, chi at tentu dannu mannu, males unu aifatu de s'àteru Sinonimi e contrari digrassiau, irfortunadu, isfatatu, istraliosu, malafadau, scedau, sciortunau / cdh. malassultatu | ctr. afoltunadu, assortadu, diciosu, fadosu Frasi est un'iscancamentu de coro solu a pessare chi custa cristiana malassortada morzat goi minore! Etimo srd. Traduzioni Francese malchanceux, malheureux Inglese unlucky (person) Spagnolo desafortunado, desgraciado Italiano sfortunato Tedesco unglücklich, unglücklicher Mensch.

malafortunàu , agt, nm: malafurtunau Definizione chi o chie no at tentu o no tenet sorte, fortuna, o chi tenet mala fortuna, chi est de unu male a s'àteru Sinonimi e contrari deldiciadu, difortunadu, disagurau, irgianadu, mabassortau, malafadau | ctr. afortunadu, diciosu Etimo srd. Traduzioni Francese malchanceux, malheureux Inglese unlucky (person) Spagnolo desafortunado Italiano sfortunato Tedesco unglücklich, Unglückliche.

sciortunàu , agt: sciurtunau Definizione chi o chie no at tentu o no tenet fortuna, chi no dhi andhant in bonu is cosas Sinonimi e contrari difortunadu*, disagurau, mabassortau, malafadau, scedau Frasi alla ita bregúngia, fillu miu sciortunau! ◊ bandidu, fradi sciurtunau, beni cun nosu a sa festa chi si ant impromítiu! (B.Lobina) Traduzioni Francese malchanceux Inglese unlucky Spagnolo desafortunado Italiano sfortunato Tedesco unglücklich.