mòsta , nf: ammosta, mostra, multra, mustra Definizione su ammostare, su pònnere po bíere, su logu inue si ponet cosas de ammostare; sa cosa de ammostare: podet èssere unu ricamu (disegnos chi si faent in s'orrobba téssia o a ricamu puru, es. s'àghina, s'ispiga, su gravellu, su ballu, su cuadhu, is pigiones, su crebu, sa cassa, s'isposa, su sole); bículu de orrobba o àteru de ammostare, po bíere e ischire ite cosa est; manera de fàere po giare a crèdere una cosa po un'àtera, po fàere a bíere comente faet un'àteru; su chi paret, sa cosa comente paret, a su chi paret / sa mosta de su caidhu = su tretu inue s'abe intrat o essit de su casidhu Sinonimi e contrari finta Frasi ant bogadu bacas pro mustra a piata ◊ ca sos tribàglios suos sunt a notu faghent mustra in domo de sos segnores 2. dàemi sa mustra ca ti la chirco deo, cussa robba! ◊ bàtila a mustra, sa pannamenta! ◊ bàtimi sa mustra de su chi ses vendhendhe! (G.Ruju) 3. est una càssia, unu tapeto, una camisa totu a mustras ◊ at comintzadu s'orizu de sa tela pro fàghere su ballitu in sa mustra ◊ tessiat fàunas e fressadas a mustra de rosas ◊ est una fànuga cun sa mosta de sa catalufa 4. faghe sa mustra che chi ti che andhes! ◊ at fatu sas mustras e tue l'as crétidu! ◊ at fatu sas mustras de su mastru, de su preíderu, de sa mama ◊ sos fizos faghiant mustra de no si ndhe abbizare de su giambamentu de umore de su babbu 5. a sa mustra, su péssighe paret fatu ◊ a sa mustra, su melone no mi est piàghidu ◊ in cara bi gighet tota sa mustra de su chi at manigadu ◊ a sa mustra, cuss'ómine no mi piaghet a nudha Etimo srd. Traduzioni Francese exposition, échantillon, motif ornemental Inglese exhibition, sample, motif Spagnolo exposición, muestra, motivo decorativo Italiano móstra, campióne, motivo ornamentale Tedesco Schau, Ausstellung, Muster, Ornament.

«« Cerca di nuovo