Ditzionàriu in línia
de sa limba e de sa cultura sarda

petàju , agt, nm: petari, petarju, petarzu, petzàgliu Definizione chi o chie papat petza meda, chi bivet a petza; chi est in colore de sa petza Sinonimi e contrari peciolàrgiu, petanu, petaresu, petzarolu, pulpuzeri, speigraxu Frasi s'astore petarju est a rodeu, prontu a si ghetare a sa turturedha ◊ fit a mes'àghera chei s'astore petzàgliu canno est in bolu ◊ bi at petaris chi campant a fortza de peta furada 2. sas àgheras petzàglias sont marcanne temporata de ventu Etimo srd. Traduzioni Francese carnivore Inglese carnivorous Spagnolo carnívoro Italiano carnìvoro Tedesco karnivor, fleischfressend.

petarésu , agt Definizione chi papat petza meda, chi bivet de petza Sinonimi e contrari peciolàrgiu, petaju, petanu, pulpuzeri Frasi bi at fera petaresa ◊ su gurturju est unu puzone petaresu Etimo srd. Traduzioni Francese carnivore Inglese flesh-eating Spagnolo carnívoro Italiano carnìvoro Tedesco karnivor, fleischfressend.