abbamànu , nm: abbammanu Definizione
pannu de manos, pannu po frobbire is manos, sa cara; a logos, istrégiu ue si ponet s'abba po si samunare is manos
Sinonimi e contrari
asciugamanu,
canàciu,
panniamanu,
pannutzu,
tiagiola
/
bassina,
cóncula,
samunadore
Frasi
pro avitare s'abbammanu si assutaiat chentza frobbidu! ◊ candho l'ant dimandhada, issa teniat sos lentolos ricamados e sos abbammanos cun sas frunzas
2.
si benit su dutore, bògali s'abbammanu pro si frobbire candho si sàmunat sas manos
Terminologia scientifica
ts
Etimo
srd.
Traduzioni
Francese
serviette,
essuie-mains
Inglese
towel,
bath towel
Spagnolo
toalla
Italiano
asciugamano
Tedesco
Handtuch.
tiagiòla , nf: tiajola,
tiallora,
tiaxola,
tiazola,
tibagiola,
tibazola,
tivazola Definizione
tiagedha brodada de orrobba bona chi is féminas ponent in conca a mucadore candho ponent su costúmene; orrugu mannu de orrobba po si frobbire is manos, sa cara, samunandhosi; tiagedha pitica chi si ponet in mesa po si frobbire is murros papandho e tiaxola est su pannitzu po ingòllere a sartu pane e ingaúngiu imbodhigaos impare; in ccn. logu tiazola est sa pedhe chi portant asuta de su tzugu pendhe pendhe boes e bacas / niae a tiaxolas mannas = frocare a tàpiles mannos, a froca lada
Sinonimi e contrari
macadori
/
abbamanu
/
frebbeucu,
pannighedhu,
telzibbucu,
tialledha,
tratabbucu
/
gangule
Frasi
mamma ricamaiat tiazolas
2.
pigaisí tiaxola, furtica, tassa e gortedhu e benei a prandi ◊ poni tialla e tiallora, in mesa!
Etimo
srd.
Traduzioni
Francese
linge de bain,
serviette de table
Inglese
napkin,
dryer
Spagnolo
pañuelo,
toalla,
servilleta
Italiano
asciugatóio,
tovagliòlo
Tedesco
Tuch.