Legenda Abbreviazioni | Legenda Simboli

maciamúrru , nm: matemurru, matimurru, matzamurru, matzimurru Definizione genia de supa cun pane o biscotos; pane cotu cun bagna; cosa fata a improdhu, male; matimurru dhu narant fintzes po avolotu, burdellu / fàghere a sa matzimurrina = a coredhu, a improdhu Sinonimi e contrari martiguserzu, matimbródhiu, milciamuredhu / abbunzadura Frasi cussa est genti chi no si acuntentat de papai matzamurru: bolit aligusta! ◊ mammai su civraxu tostau dhu coit a matzamurru 2. e ite ndhe naras de su matemurru chi sunt cumbinandhe sos zòvanos? ◊ custu coju essit unu matimurru! ◊ de totu custu matzamurru iat cumpréndiu ca megàt de si morri de fàmini Etimo itl. Traduzioni Francese soupe de pain cuit avec de la sauce Inglese bread cooked with sauce, mess Spagnolo calandraca, sopa de pan y galletas, barullo Italiano mazzamurro Tedesco eine Brotsuppesorte, Brotbrei mit Tomatensauce, Hudelei, Heidenlärm.

manéstu , nm, nf: menestra, menestu, minestra, minestu Definizione genia de pasta a granos piticos (a logos fintzes pasta longa) po fàere cun brodu; brodu e chiu, su papare fatu de minestra e de brodu / m. de merca, de casu, de recotu, de patata = fata cun merca, casu e gai Sinonimi e contrari sucu Frasi fiat trista e afligia, ca no teniat farra a fai pani, no teniat lori a fai manestu ◊ Minnia, fai su manestu ca si crocaus, ca seus fadiadas!◊ at papau su menestru cun sa cullera de linna Terminologia scientifica mng Etimo itl. Traduzioni Francese soupe, potage Inglese soup Spagnolo sopa Italiano minèstra Tedesco Suppe.

súpa , nf: tzupa Definizione genia de papare fatu cun cosa brodosa (brodu, late, àteru) cun àteru de tostau ammodhigau in mesu / min. supichedha Modi di dire csn: èssere a s. (nadu de chie at bufadu) = imbriagu pérdiu; bíviri a sa s. allena = campare de su chi li daet àtere; pigai o fai s. de ccn., de ccn. cosa = fàgherendhe atzola, resessire (e sigomente est sempre cun sa nega "no, non", cheret nàrrere su contràriu: nudha) Frasi sa parfaruza de su pane de fresa est bella fata a supa 2. no ndi potzu fai supa de cussu piciochedhu! ◊ is dotoris no ndi pigant supa e iscuendi iscuendi si nci andant ◊ de cussu no fait a ndi bogai supa ◊ intendiat un'ispétzia de isciollóriu chi no fadiat a ndi pigai supa Terminologia scientifica mng Etimo itl. suppa Traduzioni Francese soupe Inglese soup Spagnolo sopa Italiano zuppa Tedesco Suppe.

«« Cerca di nuovo