Ditzionàriu in línia
de sa limba e de sa cultura sarda

apàre , avb: apari, aparu Definizione a pare = paris, totu a unu, s'unu a cara a s'àteru, cun s'àteru, s'unu a s'àteru, apare pare Sinonimi e contrari debarapai, interpare, paltibaris, parebare Modi di dire csn: pònnere apare = cufrontare una cosa cun s'àtera; ghetai apari = cufúndhere, pònnere paris cosas diferentes, isordulare totu; ghetaisí apari = lòmperesi a s'iscúdere, gherràresi; separados apare = de pare, fora de pare; fàghere apare = atobiai a su própiu logu in su própiu mamentu, fàghere paris; istare a zanna apare = tènniri sa domu me in sa própiu arruga unu ananti de s'àteru; leare, giúghere a manu apare = a manudenta; fèrrere apare cosa = collire, preulire, corbai cosa pro carchi bisonzu, fintzas tocare una cosa cun àtera (su tocu de reapare = de fèrrere apare, de si ndhe pesare e dare tentu, su chi faghent in crésia avertindhe sa zente chi est essindhe su preíderu pro nàrrere sa missa); fai impasa apari = fàere s'unu a s'àteru Frasi no si podent bídere apare ◊ sos duos batos si abbàidant apare cun sa coa tètera che fuste ◊ totu su mundu in discórdia est, prus nisciunus si bollit bèni apari! 2. una bolta su lupu e s'anzone ant fatu apare in su matessi riu ◊ at aju, unu, de ammentare totu su chi amus betadu apare in sas dísputas!… (G.Ruju) 3. già bi los do sos saludos: no mi costat nudha ca istamus a zanna apare! Etimo srd. Traduzioni Francese réciproquement Inglese mutually Spagnolo recíprocamente Italiano vicendevolménte Tedesco gegenseitig.

bínchides , avb Definizione a bínchides de pare = s'unu cun s'àteru, a mudas a mudas, a trivas Frasi zanas e ninfas fint a bínchides mustrandhe sa galania issoro ◊ favedhant a bínchides pro bíere ite podent fàchere contra a isse Traduzioni Francese réciproquement, mutuellement Inglese mutually Spagnolo reciprocamente Italiano vicendevolménte Tedesco gegenseitig.

interpàre , avb: intespare, intrepare Definizione inter pare = tra unu e àteru, s'unu cun e po s'àteru Sinonimi e contrari apare, debarapai, paltibaris, parebare Frasi sunt disunidos pessendhe a s'ispèrdere interpare ◊ intespare amus nadu chi… Etimo srd. Traduzioni Francese réciproquement Inglese mutually Spagnolo recíprocamente Italiano vicendevolménte Tedesco gegenseitig.

paltibàris , nm, avb: partebari, partibaris Definizione partes oguales; oguale s'unu cun o a s'àteru Sinonimi e contrari barigua / apare, debarapai, interpare, parebare Modi di dire csn: èssere a p. = mesu goi e mesu gai; fàchere a p. = una borta s'unu, una borta s'àteru, a borta a borta Frasi già bi est su partibaris: ognunu andhat pro contu sou, si no andhant de acordu 2. si ghetant butadas befianas cantendusí partebari mutetus e cantzonis Etimo srd. Traduzioni Francese alternativement Inglese alternately, mutually Spagnolo alternativamente, recíprocamente Italiano alternativaménte, vicendevolménte Tedesco abwechselnd, einer nach dem anderen.

parebàre , avb: paribari Definizione s'unu cun o a s'àteru Sinonimi e contrari apare, paltibaris Frasi istant in bonu cussertu respetèndhesi parebare ◊ Cristos e Santu Giuanne si sunt batixados paribari ◊ dàdebbos sa manu paribari! ◊ no dhus connoscis cumenti funt, tirendusindi is ogus paribari?! ◊ cussos si azuant de paribari ◊ si faent caente paribari Etimo srd. Traduzioni Francese réciproquement Inglese each other Spagnolo recíprocamente Italiano reciprocaménte Tedesco gegenseitig, einander.