Legenda Abbreviazioni | Legenda Simboli

aíssu , nm: aito, aitu Definizione su frore de su lidone / mele de aitu = mele ranchitzu, marigosu, su chi s'abe faghet de su fiore de su lidone Sinonimi e contrari eritzàmene pruma 1 Terminologia scientifica rbr Etimo srdn. Traduzioni Francese fleur d'arbousier Inglese the flower of the strawberry-tree Spagnolo flor del madroño Italiano fiore del corbézzolo Tedesco Blume des Erdbeerbaums.

ghilidòne , nm: ghilisone, ghilisoni Definizione sa melighedha chi faet su lidone Sinonimi e contrari alidone, meladidone, memeledhu, mendhilicotu, pègora 1 Frasi medas pillochedhus si faint aciapai in su lobu bichendu ghilisonis o bremis o seminedhus (G.Moi)◊ dónnia dí portàt is crabas a pàsciri acantu podiant papai ghilisone Etimo srdn. Traduzioni Francese arbouse Inglese arbutus berry Spagnolo madroño Italiano corbézzola Tedesco Frucht des Erdbeerbaumes.

lidòne , nm: alidone, lidrone, lione, lioni 1 Definizione genia de mata, no tanti manna, chi faet unu frutu (upm) che una cheréssia ma prus tundhu, orrúbiu candho est cotu (in atóngiu) e totu puntighedhas a parte de fora Frasi traessendhe sos rujos pianos e sos buscos de inteltzu e lidone (A.Casula)◊ is piciochedhos funt arregollendu bobbolledhas de lione Terminologia scientifica mt, Arbutus unedo Etimo ltn. unedone(m) Traduzioni Francese arbousier, busserole Inglese arbutus berry Spagnolo madroño Italiano corbézzolo Tedesco Erdbeerbaum.

meladidòne , nf, nm: melalidone, melalione, melaulidone, meluchidone, meludidone, melulidone, meraridoni, merarioni, merulidone, meurioni Definizione sa mela, melighedha, de su lidone, e fintzes sa mata etotu / inchesu che su meladidone (nau de ccn)= cun sa cara orrúbia che fogu Sinonimi e contrari alidone, baca 1, billella 2, bilisone, chelleisone, ghilidone, lasarione, lisone, memeledhu, mendhilicotu Frasi portat is trempas arrúbias che unu merarioni ◊ sa pitzinna est chin sa cara ruja che meladidone 2. fit inamoradu de s'ària de su monte, de sos buscos de meluchidone e de iscoba Etimo srd. Traduzioni Francese arbouse Inglese arbutus berry Spagnolo madroño Italiano àlbatra, corbézzola Tedesco Frucht des Erdbeerbaumes.

obiòni , nm: alidone, illione, lidone, olidone, olidoni, olione, olioni, orioni, ulioni Definizione genia de mata, no tanti manna, chi faet unu frutu (upm) prus matucu de una cheréssia, orrúbiu candho est cotu (acabbandho s'atóngiu) e totu arrasposu, coment'e a granighedhos a parte de fora Sinonimi e contrari onioni Frasi su meli de s'olioni est marigosu meda, est achina! ◊ segat chessa, mudeju e olidone, curret, brincat pedra e ispina 2. s'olioni dhu faint a marmellata Terminologia scientifica mt, Arbutus unedo Etimo ltn. unedo, -one Traduzioni Francese arbousier Inglese arbutus Spagnolo madroño Italiano corbézzolo Tedesco Erdbeerbaum.

«« Cerca di nuovo