Legenda Abbreviazioni | Legenda Simboli

colimínzu , nm: colominzu, columinzu, culiminzu, culuminzu Definizione su puntu prus artu de su barracu, de sa teulada, ischinale de teulada (a logos fintzes sa biga de s'ischinale); sa essia de su fumu de sa forredha, in sa teulada Sinonimi e contrari cucumenale, pinnacúcia, pópula, sima / fomajou Frasi sos columinzos sighiant a rupiare fumu atoscadu 2. fumat dae su columinzu su foghile Terminologia scientifica dmo Etimo ltn. *culmineum Traduzioni Francese cheminée, faîte (de toîture) Inglese chimneypot Spagnolo chimenea Italiano comìgnolo Tedesco Schornstein.

cucumenàle , nm: cugumale, cugumalu, cugumenale Definizione su puntu prus artu de unu barracu o fintzes de sa teulada, ischinale de teulada Sinonimi e contrari coliminzu, coromalu, pinnacúcia, pópula Frasi dae su cucumenale essint sas pupadas de su fumu pintandhe in sas copertas premedias camineras ◊ como chi sos cugumenales no dant sinnales de vida sas domos parent un'àtera cosa Terminologia scientifica dmo Traduzioni Francese faîte de toiture Inglese chimneypot Spagnolo chimenea Italiano comìgnolo Tedesco Schornstein.

fomajóu , nm: fumagiolu, fumajolu, fumaolu, fumazolu, fumiajolu, fumiazolu, fummagiolu, fummajolu Definizione cundhutu chi artzat a in artu fatu po che fàere essire su fumu de ue si dhue abbruxat cosa (es. sa forredha o foghile, istufa) Frasi su fumajolu si prenat de fumàdigu ◊ su forru murigadhu, ma no dhi pòngias su fomajou ca podit ispomporai ◊ in su fumazolu no si bidiat filu de fumu essindhe Terminologia scientifica dmo Etimo itl. Traduzioni Francese cheminée Inglese chimneypot Spagnolo chimenea (f) Italiano fumaiòlo, camino Tedesco Schornstein.

geminèra , nf: ceminera, giaminera, giminera, giominera, giuminera, zaminera* Definizione in sa domo, genia de buidu fraigau po dhue fàere su fogu, prus che àteru in d-unu cugigone de sa coghina / sa giminera giughet coment'e duos antariles (pedelitos), unu fronte, sa capa, su fumajolu; sa giminera de sa pipa = sa parte de sa pipa chi si prenat de trintzadu e si atzendhet Sinonimi e contrari forredha Frasi como no v'est ciús sa giminera po ti cajentare ◊ in sa giaminera furint coendho una sartàina de castàngia ◊ sos meos fint totu riunios a inghíriu de sa giominera Terminologia scientifica dmo Traduzioni Francese cheminée Inglese fireplace Spagnolo chimenea Italiano caminétto Tedesco Kamin.

tiravúmmu , nm Definizione genia de tubbu o canna larga meda (cannone) po ch'essire o bogare su fumu de ue si faet su fogu Sinonimi e contrari fumajolu Frasi is zumineras de is domus portant su tiravummu Etimo srd. Traduzioni Francese conduit de fumée Inglese flue Spagnolo cañón de chimenea Italiano canna fumària Tedesco Rauchfang.

zaminèra, zamminèra , nf: ceminera, geminera, ziminea, ziminera, tzeminea, zuminera Definizione in sa domo, cumbénia fata adata po dhue fàere su fogu asuta, prus che àteru in d-unu cugigone de sa coghina / sa geminera portat coment'e duos antariles, unu fronte, sa capa o cugudhu, su fumajolu Sinonimi e contrari forredha Frasi seus càrigas a sa ziminera e fogu no ndi at! ◊ fit una ziminera manna pariat unu monumentu ◊ sa ziminera tirat bene, torrat fumu, iscudet calore Terminologia scientifica dmo Etimo itl. ciminera Traduzioni Francese cheminée Inglese fireplace Spagnolo chimenea Italiano caminétto Tedesco Feuerstätte.

«« Cerca di nuovo