agimmài , avb: agiommai, agiumai, agiummai, atzummai, aximai, azomai, azommai, azummai, geimai, ogimai Definizione mancare pagu a unu tanti, a unu certu puntu: si podet nàrrere fintzes a solu faendho una prop. ellítica Sinonimi e contrari antzimai, belle, cante, casi, orimmai, pogimai Frasi agiummai mi fia dismajadu! ◊ Antoni a su cumpanzu l'iscudet un'ispalada e azommai lu rughet ◊ che sunt azummai sas deghe ◊ Remundha agiommai si che fit ammustréchida ca mai si aiat immaginadu una cogiadura gai! 2. agiummai seu arrutu 3. - Azummai!… - Azummai ite? - …che ruiat! Etimo itl.t agiumai Traduzioni Francese presque Inglese almost Spagnolo casi Italiano quasi Tedesco fast.

bèlle , avb, cng: belli Definizione foedhu chi narant pruschetotu po fàere a cumprèndhere chi una cosa, unu tempus, una cantidade no dhu'est totu ma pagu dhue mancat; si manígiat puru cun valore cuncessivu Sinonimi e contrari agimmai / bellaggai, macari, mancumale Modi di dire csn: belle e + pps. = azummai: belle e fatu, belle e lézidu, belle e tzapadu; zúghere una faina, unu triballu, un'òpera belle e in manu = agiummai acabbada; belle e gai (belleggai), belle e chi…, belli chi… = mancu mali, cun totu cussu, cun totu chi…; belle e + agt. = mancari + agt.: belle e macu = mancari macu, belle e istudiadu = mancari istudiadu, belle e mannu = mancari mannu; belle e pagu = "mancari pagu" o fintzas "própiu pagu" Frasi che fit belle e unu mese apustis ◊ sa terra est in totue belle e morta ◊ - Fatu ch'azis? - Belle! ◊ che at colau belle e un'annu ◊ su sero che est belle e ifritadu ◊ belle e tocau terra iat, ma si salvat de che arrúere ◊ Maria est belle e che arruta a terra, disimajada 2. belle chi fiaus fedu aus formau una cadena de su megnus metallu ◊ belle e proindhe, fimus in medas e che amus agabbadu sa faina ◊ belle e gai bi l'as fata, mih, a corpare a una criadura!…◊ belle e minore zughet cabu che unu mannu ◊ belle e chi mi dispiaghet, tia ofèrrere sa vida ◊ belle e maca bi at addadu! ◊ belle e tontu at cumpresu! ◊ belli chi so cunfusa ◊ belle e chi prima no lu cheriat, a cojare, como ndh'est morindhe ca lu cheret! ◊ belle e chi est tontu no lu collonas! 3. cudhu malevadadu, birgonzosu, in sos ispannos insoro s'ispannaiat belle e pagu (A.Canalis) Etimo srd. Traduzioni Francese presque Inglese almost Spagnolo casi, aunque Italiano quasi, sebbène, benchè Tedesco fast, ungefähr, obwohl.

cànte , avb Definizione po fàere un'iscumbatu, unu paragone po nàrrere chi no est giustu su matessi ma chi dhi mancat pagu; inditat puru chi duas cosas funt a paris / pro cante no… = agiummai, in cantos de…, in arriscos de… Sinonimi e contrari agimmai, belle, pogimai / cantu Frasi pro cante no at mortu duos ómines! ◊ pro cante si ndhe fit prantu candho l'at bidu gai male acontzu ◊ pro cante no l'ant ricoverau! 2. sa tentascione est manna cante a s'ustinu matessi Etimo srd. Traduzioni Francese presque Inglese almost Spagnolo casi Italiano quasi Tedesco fast.

ispilurtíu , pps, agt: ispilurtziu Definizione de ispilurtire Sinonimi e contrari ischerritzadu, ispilurti, ispilurtziadu, ispilusadu, pilisertu, spreluxiu 2. so mesu iscurtu, canu, ispilurtziu, de cara mala, azicu presumiu Traduzioni Francese ébouriffé, pelé Inglese dishevelled, worn Spagnolo casi calvo, despeinado Italiano scapigliato, spelacchiato Tedesco zerzaust, halbkahl.

«« Cerca di nuovo