Legenda Abbreviazioni | Legenda Simboli

antrúxu , nm: anturxu, anturzu, antuzu, aturzu Definizione bentruxu murru, untúrgiu, genia de pigione mannu, papadore de petza, chi si betat a is pegos mortos: faet abbitu in is montes de su Gennargentu e de Bosa Sinonimi e contrari bentruxu, guntorzu*, intruxu, pedhuris Frasi un'aturzu fammiu papàndhesi su tziu Terminologia scientifica pzn, gyps fulvus Traduzioni Francese vautour Inglese vulture Spagnolo buitre Italiano grifóne Tedesco Gänsegeier.

barbúdu , nm Definizione àchila ossaja, benturzu barbudu, puzone cannedhare: pigione mannu chi papat petza, una genia de untúrgiu Sinonimi e contrari franchillossu, guntorzu, ingurtiossu Terminologia scientifica pzn, anra, gypaëtus barbatus Etimo srd. Traduzioni Francese vautour Inglese lammergeyer Spagnolo buitre Italiano avvoltóio degli agnèlli Tedesco Bartgeier, Lämmergeier.

contrúxu , nm Sinonimi e contrari bentruxuniedhu Terminologia scientifica pzn Traduzioni Francese vautour Inglese cinereus vulture Spagnolo buitre Italiano avvoltóio mònaco Tedesco Mönchsgeier.

guntórzu , nm: curturzu, guntruxu, guntúgliu, guntúrgiu, gurtorju, gurtúgliu, gurtúrgiu, gurturju, gutúrgiu, guturju, guturzu Definizione genia de pigione mannu meda (su prus mannu in Sardigna), petzarolu; nau in cobertantza, persona chi papat meda, asuriosa / genias de g.: gurturju niedhu (aegypius monachus), gurturju ossarju (gypaëtus barbatus) Sinonimi e contrari antruxu, bentruxu, ingurtiossu, intruxu, pedhuris, tentulzu Frasi recueint abbusercados che guntorzos chi torrant dae mortóriu ◊ seis bichendu dogna cosa che guntruxus malus a satzai ◊ current che gurtúrgiu a su mortórgiu 2. cussu gurtúgliu za l'at puliu su pratu: no m'at lassau nudha! Terminologia scientifica pzn Etimo ltn. vulturius Traduzioni Francese vautour Inglese vulture Spagnolo buitre Italiano avvoltóio Tedesco Geier.

intrúxu , nm: ulturzu, intúlgiu, intulzu, intúrgiu, inturzu, untruxu Definizione genia de pigione mannu, petzarolu; in cobertantza, persona asuriosa Sinonimi e contrari antruxu, bentruxu, guntorzu*, ingurtiossu, pedhuris Frasi s'intruxu portat is ungas mannas fatas po afarruncai ◊ s'ísula is istràngios non dh'iant ancora dividia coment'e un’ispéigu is intúrgios ◊ margianes e intúlgius funtis sempre abbrontu po si papare us crabitedhos 2. che intruxu famiu candu apubat pegus noedhu ti ses acurta, morti levaditza! ◊ inue bi at petróliu o metanu in cue bi est s’inturzu americanu (P.Canu) Terminologia scientifica pzn Traduzioni Francese vautour Inglese vulture Spagnolo buitre Italiano avvoltóio Tedesco Geier, Wucherer.

pedhúris , nm Definizione genia de pigione mannu chi papat petza Sinonimi e contrari antruxu, bentruxu 2. is mandaresus, biendi custa trupa acrutzendi sèmpiri prus, si fuant pinnigaus e puntaus a is pedhuris chen’e dhis cinniri de ogu e a cara spraudia Terminologia scientifica pzn, gyps fulvus Traduzioni Francese griffon Inglese griffon Spagnolo buitre leonado Italiano grifóne Tedesco Gänsegeier.

ultúrzu , nm: intruxu, untorzu, untruxu, untúlgiu, untulzu, untúrgiu, unturzu, urtúrgiu, utúrgiu, uturzu Definizione genia de pigione mannu, papadore de petza; in cobertantza, persona asuriosa Sinonimi e contrari antruxu, bentruxu, guntorzu*, ingurtiossu, untulgiossu, pedhuris Frasi si bidiat bolos de untulzos bramosos de godire sos ismulzos cun calchi ispéigu (A.Casula)◊ s'ulturzu, malaura de custu regnu, ingurdu, no at mai pasadorzu (Gn.Piras)◊ at bisu una nue de puzones che untorzos famigosos ghetàndhesi a su trigu ispigau Terminologia scientifica pzn, gyps fulvus Traduzioni Francese vautour Inglese vulture Spagnolo buitre Italiano avvoltóio Tedesco Geier.

«« Cerca di nuovo