Legenda Abbreviazioni | Legenda Simboli

arròda , nf: arrora, orroda, roda* Definizione genia de imbentu, de forma tundha, chi girat in d-unu fusu intrau in mesu in mesu, de impreu mannu meda po comente faet fàcile su movimentu siat ca míminat s'atritu o frigamentu e siat ca funtzionat de leva; sa màchina de is pingiaderis, sa chi girandho dhis permitit de fàere istrégiu tundhu; su istare a rodeu de ccn. o de calecuna cosa / min. arrodedha, rodedha, rodighedha, rotedha; partes de un'a. = su butu (nughe de s'orroda, ue intrat su fusu), is ràgios (orrugos de cosa chi de sa nughe andhant a su cricu), su cricu (oru de fora, lisu, a dentes o fintzes a canale); genias de orroda: a dentes, a rajos, prena (a. de panga e tàgiu), a càmera de ària Modi di dire csn: cratzonis de a. = sas ragas de furesi; a., roda de mannugros (de vinti a chimbanta) = postorzu; arrodedha 1, rodighedha de su benugu = rudéula, zoculana, s'ossu curtzu de su benugru, a s'ala de nanti; a. de su ballu = ballu tundhu, zenia de ballu chi totugantos si leant a manudenta fintzas a serrare a inghíriu Frasi is arrodas de is màchinas funt de gomma, is arrodas de su trenu de aciarxu 2. fadeus duas dis de arroda, cun circulledhus, cannugas e furriadroxas, gara poética 3. dhi fait s'arroda unu piciocu ◊ tenis axiu fendimí s’arroda: dèu no mi ghetu che musca a su meli!(Pillai) Traduzioni Francese roue Inglese wheel Spagnolo rueda Italiano ruòta Tedesco Rad.

filadórzu , nm Definizione logu ue si faet su filóngiu, ue si filat Terminologia scientifica dmo Etimo srd. Traduzioni Francese filoir Inglese spinning wheel Spagnolo hilandería Italiano filatóio Tedesco Spinnerei.

istértzu 1 , nm Definizione mecanísimu (leva) chi permitit a s'autista de una màchina de mòvere is orrodas e cambiare filada Traduzioni Francese volant Inglese steering wheel Spagnolo dirección Italiano stèrzo Tedesco Lenkung.

ròda , nf: arroda, orroda, rota Definizione genia de imbentu, de forma tundha, chi girat in d-unu fusu intrau in mesu in mesu, de impreu mannu meda po comente rendhet fàcile su movimentu e faet fortza meda (funtzionat coment'e leva); fintzes tupa, mola de matedu / min. arrodedha, rodedha, rodighedha, rotedha; partes de una r. = su butu (nughe de s'orroda, ue intrat su fusu), is ràgios (crantos de cosa chi de sa nughe andhant a su cricu), su cricu (oru de fora, lisu, a dentes o fintzes a canale), sa crae (genia de cotza chi s'intrat a istúturu in su bruncu de su fusu po no ndh'essire s'orroda); genias de orroda: a dentes, a ràgios, prena, a càmera de ària Modi di dire csn: r. de mannugros (de vinti a chimbanta) = postorzu; fai sa r. = zogu chi si faghet tirendhe un'incannada unu pagu de costazu, ponindhe sas manos in terra e moindhe su restu de sa carena a zisa de roda, ponindhe a borta a borta manos e pes; r. de camisa = fardali, sas coedhas Frasi ndhe zuchiat de intràcanos e rotedhas e pesos su rellotzu de sa turre!…◊ in pratza de s'amore so coladu fachendhe brullas che rotas de carru 2. sa terra l'apo ispatada dae sas rodas Cognomi e Proverbi smb: Roda, Rodas / prb: sa peus roda de su carru tzichírriat Etimo ltn. rota Traduzioni Francese roue Inglese wheel Spagnolo rueda Italiano ruòta Tedesco Rad.

rodighèdha , nf: rodixedha Definizione min de roda, orroda pitica, ma fintzes s'ossu tundhu de is benugos Sinonimi e contrari arrodedha 1, badhadori, rodita, rotedha 1, ruédhula Traduzioni Francese petite roue Inglese small wheel Spagnolo rueda, rodaja, rótula Italiano rotèlla Tedesco Rädchen.

tallàda , nf: tellada Definizione su tallai; su surcu chi lassant is orrodas (prus che àteru de carru) comente passant, segundhu su logu, o a fortza de passare sèmpere in su matessi tretu Sinonimi e contrari arralla 2, pinta 1, tagiada Etimo srd. Traduzioni Francese ornière Inglese wheel track Spagnolo rodada, carril Italiano rotàia Tedesco Radspur.

«« Cerca di nuovo