Ditzionàriu in línia
de sa limba e de sa cultura sarda

nadàda , nf: annadada, nadrada Definizione su nadare, su andhare a nàdigu, su si mòvere a nàdigu Frasi in sa baltza si faghiat una nadada, girendhe in tundhu, chi si pariat in cudhos pojos mannos de riu Etimo srd. Traduzioni Francese nager, nage Inglese swim Spagnolo el nadar Italiano nuotata Tedesco Schwimmen.

nadài , vrb: anatare, nadare, nadrare, narai 1, natare, nedai Definizione andhare in s'abba a nàdidu, movendho is bratzos, is peis a manera de no che calare a fundhu e de fàere tretu Frasi seo nadanno, apo imparau! ◊ dèu pentzau ca fiast tui nedendi in mesu mari ◊ babbai t'imparat a nedai asuta de s'àcua ◊ su ribu est artu chi azicu colat su cabadhu nadrandhe ◊ si bit su pisci nadendu in s’àcua 2. so nadrendhe in d-unu mare de pistichinzos! Etimo ltn. natare Traduzioni Francese nager Inglese to swim Spagnolo nadar Italiano nuotare Tedesco schwimmen.

nàdidu , nm: nàdigu, nàdinu, nàriru Definizione su nadare Sinonimi e contrari anatu, nadonzu, nadru Frasi mi che fui betadu in s’abba e che fui fertu a nàdidu a s’àtera parte Etimo srd. Traduzioni Francese natation Inglese swim Spagnolo natación Italiano nuòto Tedesco Schwimmen.

nàdru , nm: nadu 2, natu 1 Definizione su nadare, e fintzes su andhare agiummai coment'e nadandho, in mesu de cosa meda Sinonimi e contrari anatu, nàdidu Frasi in ierru e in istiu, pensa su nadu chi at fatu, un'ambidha de riu, pro che finire in su piatu! ◊ s'ojada bolat a nadu in su poju infinidu de su criadu (G.Fiori)◊ che unu chervu curria e a nadu passaia sos rios ◊ in sos beranos sas bachitas fint a nadu in sa pastura (G.Monzitta) Etimo srd. Traduzioni Francese natation Inglese swim Spagnolo natación Italiano nuòto Tedesco Schwimmen.