Ditzionàriu in línia
de sa limba e de sa cultura sarda

desatínu , nm: disatinu Definizione cosa chi faet o narat chie est fora de tinu, cosa chi andhat male, dannu (chi podet èssere de pagu contu coment'e unu bidhídhiri de pipiu chi pagu atuat, unu dispetu, o fintzes dannu mannu); su no giare atentzione, su no atinare o atuare a sa cosa chi si est faendho / èssere in d. = èssere fora de se Sinonimi e contrari balossímini, dilbaratu, isabóriu, lochidadi, macheine, tontesa / dannu Frasi su brassanu bratzu sou crudele e assassinu at fatu subra mia disatinu ◊ a fortza de bufare faghent disatinos in domo ◊ tue giughes sa limba che fiama e faedhendhe naras disatinos 2. ite disatinu, che dhi est orrutu unu cambu mannu a pitzu!◊ fillu tú cun is amighixedhus malus est faendu disatinus! Etimo spn. Traduzioni Francese bêtise, sottise, vandalisme Inglese inattention, rave, silliness, vandalism Spagnolo desatino, vandalismo Italiano sciocchézza, farnètico, spropòsito, sprolòquio, disattenzióne, vandalismo Tedesco Wahnsinn, Unaufmerksamkeit, Wandalismus.

dortidúdine , nf Definizione su èssere trevessos, trotos, su no èssere bonos a cunsiderare (o su no bòllere cunsiderare) is cosas e giare arrexone a chie dha tenet Sinonimi e contrari arrevesciori, dortine, revessidade, revessura, revessiu, tortíghine, trotímene | ctr. sabiesa Frasi lampu ca ndhe zughet, de dortidúdine, cussu, est abberu: mancu a fune afilat! Traduzioni Francese sottise Inglese silliness Spagnolo estupidez Italiano stoltézza Tedesco Unklugheit.

ibbàmbiu , nm: irbàmbiu Definizione cosa chi narat o faghet chie zughet pagu zudíssiu, cosa, chistionu, peràulas de pagu contu, de paga sustàssia Sinonimi e contrari bambíghine, ibéntiu, illériu Frasi làssami sos irbàmbios: como bae e faghe sa cosa e poi ndhe amus a chistionare de su chi ses nendhe! ◊ ohi, làssami s'irbàmbiu, chi no so in chirca de zogos, como! Etimo srd. Traduzioni Francese fadeur Inglese silliness Spagnolo sosería Italiano insulsàggine Tedesco Albernheit.

isciallóriu , nm: isciolóriu, issollóriu, issolóriu, sciollóriu Definizione nada o fata de perunu contu, bamba, unu pagu a machine Sinonimi e contrari isabidóriu, isciallocu, isciolovru, lérina, lochesa, lochidadi Frasi no fatzais isciallórius ca nc'est su perígulu chi is sordaus acapint a cancunu! ◊ custu baliodho mi nat chi sunt issolórios ◊ si custos issollórios ti fachent passare unu cuartu de ora de bonumore det èssere unu piachere Etimo srd. Traduzioni Francese sottise Inglese silliness Spagnolo tontería, bobada Italiano sciocchézza Tedesco Albernheit.

lochímini , nm Definizione cosa de macos, chi faent o narant is macos Sinonimi e contrari balossímini, bambímine, desatinu, isabóriu, isambrúliu, lochesa, lochidadi, lolluine, tontesa Etimo srd. Traduzioni Francese bêtise, sottise Inglese silliness Spagnolo tontería Italiano sciocchézza Tedesco Dummheit.

lollúghine , nm: lullúghine Definizione cosas de lollus, de gente bamba, de pagu contu; fintzes cosa chi si narat a murrúngiu, su pisibisi chi si faet foedhandho a iscusi (fintzes a bodheta) Sinonimi e contrari balossímini, isabóriu, ischipudhàmene, isambrúliu, lolluine, pisibisi 1, pispisu, tonteria 2. abbizósicu e letranchicurtzu, fit a lollúghines, masticàndhesi una tzica a trachedhu de dentes Etimo srd. Traduzioni Francese bêtise, sottise Inglese silliness Spagnolo tontería Italiano sciocchézza Tedesco Dummheit.

sciapidúra , nf: isapidura* Sinonimi e contrari bambiore, bambura, illériu, isabidóriu, isapidoria, sciabóriu Traduzioni Francese fadeur, niaiserie Inglese silliness Spagnolo sosería Italiano insulsità Tedesco Fadheit.

scionchidàdi , nf: scionchirari Definizione cosa chentza cabu, chentza fundhóriu Sinonimi e contrari illériu, istrallóbbiu, istrallogu, istrolichéntzia, machighinada, scioncheria Frasi ma no dhu bis ca est nendi scionchidadis: ita dh'ascurtas?! Etimo srd. Traduzioni Francese bêtise Inglese silliness Spagnolo necedad Italiano balordàggine, scemènza Tedesco Dummheit, Unsinn.

tortèsa , nf: trotesa Definizione su èssere trotos, su dha pentzare a trotu, su abbetiare chentza arrexone; cosa pentzada o fata po male Sinonimi e contrari tortíghine, tortiorja, tortura Frasi po sa trotesa sua at fatu deasi! Etimo srd. Traduzioni Francese sottise Inglese silliness Spagnolo estupidez Italiano stoltézza Tedesco Torheit.

travessúra , nf: trevessua, trevessura Definizione cosa trevessa, dannu mannu; fintzes atzione mala, fata de farabbutos / fai trevessuas = (nau de su tempus) fàere dannu Sinonimi e contrari machiore, tortíghine, trevessúmini Frasi is travessuras tuas ne dhas iscudes a mie ca tegno palas mannas! ◊ bosatrus seis cumbinandu trevessuras ◊ cras cuncordaus cussu macitu, prima chi cumbinit un'àtera trevessura ◊ sa genti traitora fait malis e trevessuras ◊ trevessuras naturalis funt isciutura, istracia, mortalla ◊ custa est noti de bentu forti e de trevessura Etimo srd. Traduzioni Francese sottise Inglese silliness Spagnolo necedad Italiano stoltézza Tedesco Dummheit.