Legenda Abbreviazioni | Legenda Simboli

becósu , agt Definizione chi est totu becos, essiduras coment'e porros, fintzes cun marcos de maladia de sa pedhe in conca; chi est càrrigu de tíngia; nau de persona po su naturale chi tenet, chi no arrexonat, chi po dónnia cosighedha si arrennegat, perdet luego sa passiéntzia, trotu coment'e unu crabu / curcurighedha becosa = zenia de curcurighedha totu comente e a porros a s'ala de fora Sinonimi e contrari abbultzonadu, tingiosu / dirredhu, latranghigultzu Frasi depit portai su fillu a su dotori, ca est becosu, a màncias in conca e perdendi is pius ◊ fit a s'iscútina iscútina ratèndhesi sos becos ca fit becosu 2. cuss'àrbure de figu est totu becosa: ndhe cheret segada in russu 3. arrea!… ca como che frundhit totu, becosu…, chi no faghet a li nàrrere nudha! Terminologia scientifica ntl Etimo srd. Traduzioni Francese teigneux Inglese affected with ringworm Spagnolo tiñoso Italiano tignóso Tedesco grindig.

intingiàe, intingiài, intingiàre, intingiàri , vrb: intinzare Definizione carrigare de tíngia, genia de bobboi niedhu chi ponet a is matas e a is erbas in is puntas modhes o, segundhu, fintzes a is animales; in cobertantza, fintzes carrigare de àteru cunsiderau dannosu o pagu praghillosu Sinonimi e contrari impestai 2. su cani tuu fut carriau de púlixi e nd'at intingiau is mius puru (G.Mura)◊ is gerrunaderis funt intingiaus de dépidus, sentza mancu un'ispera!◊ depit èssi berus ca mi torru a intingiai cun d-un'ómini… abarru fiuda! Traduzioni Francese prendre la teigne Inglese to affect with ringworm Spagnolo coger la tiña Italiano intignare Tedesco von Motten zefressen werden.

tíngia , nf, nm: tinza Definizione genia de mugheru, maladia de sa pedhe; genia de bobboi pitichedhedhu a bisura de preughedhu de tantas calidades e diferentes colores chi ponet a erbas e cambos modhes de mata; in cobertantza, cosa ifadosa meda Sinonimi e contrari beca 1, frea 1, tíngiu, tirignolu / tizola Modi di dire csn: t. arrúbia = maladia chi ponet a sa foza de su trigu faghindhechelu sicare innantis de su tempus; t. niedha = sa chi ponet a sa fae in su coromedhu e in su corrúntzulu e los faghet aurtire Frasi si s'imbídia fit tinza tiaimus èssere totugantos tinzosos Cognomi e Proverbi prb: chini tenit bíngia tenit tíngia Terminologia scientifica crp Etimo ltn. tinea Traduzioni Francese teigne Inglese ringworm Spagnolo tiña Italiano tigna Tedesco Grind.

tingiósu , agt: tinzosu Definizione chi est càrrigu de tíngia; nau de ccn., chi est càrrigu de dépidos, chi est arrestigu, de manu istrinta, pòberu Sinonimi e contrari becosu, runzosu / aggantzadu, coghedhu, limidu, susuncu Frasi est unu cane tinzosu 2. chini est gelosu morit tingiosu ◊ po si preni is busciacas issu a su fradi dhu torrat tingiosu! Etimo ltn. tineosus Traduzioni Francese teigneux Inglese affected with ringworm, stingy Spagnolo tiñoso Italiano tignóso Tedesco grindig.

«« Cerca di nuovo