Legenda Abbreviazioni | Legenda Simboli

errebíu , nm: arrabbiu*, erribiu, irribbiu Definizione dónnia genia de bobboi chi faet dannu; nau fintzes de piciochedhu maliocu Sinonimi e contrari babbaúciu, babboi, cerpiu, errebbígiu Frasi cantant sas feras, apedhant sos canes, mummúchiat cada casta de errebios ◊ como tzàculo tra pischinas e ludraos in mesu de ischifosos erribios Traduzioni Francese bête monstrueuse, insecte Inglese insect, monster Spagnolo bicho dañoso Italiano béstia mostruósa, insètto Tedesco Scheusal, Insekt.

mòstre , nm: mostru, mustre, mustru Definizione genia de èssere ispantosu, mannu e malu, de tímere, o fintzes deasi male fatu, istrupiau o diferente de sa persona de pàrrere cosa mala Sinonimi e contrari antigristu, immostre Frasi cussu est unu mostre bochijolu ◊ sete e sete bajanos e bajanas in pastu de su mostre los daiat ◊ mostres si pesant dae su profundhu e sa terra apestant de pudine (P.Casu)◊ fit totu brusiada no aiat chinna de cristianu: pariat unu mostre! ◊ unu mostre cun d-una franca de ferru che tirat sos pisedhos chi s'inciorant a sos putos… Etimo itl. mostro Traduzioni Francese monstre Inglese monster Spagnolo monstruo Italiano móstro Tedesco Ungeheuer, Monster, Monstrum.

súivile , nf, nm: súrbile, súrvile Definizione ànima mala chi, si narat, passat a súrbiu che bentu e che suspit su sàmbene a is pipiedhos: in cobertantza, fémina mala; si narat fintzes de bentu malu, forte, a tragonaja (e in custu sensu est sèmpere nm.) Sinonimi e contrari papàntule, suile, sultore, surbéntile, súrzile, tilioca Frasi sas súrbiles essint a denote ◊ candho frúsciat su bentu paret súlvile mala (A.Dettori)◊ dúbbiu predosu, súrbile malinna, acràrati: ite cheres? (G.Piga)◊ frades caros, no siemus che súrviles malignas de sàmbene sididas! ◊ sas súrviles sas venas de su coro ti ant surzidu ◊ contr'a sa súrbile mala istant bizendhe sas mamas 2. sos súrbiles, ocannu, ant distrutu totu sas binzas 3. tia Pietrina che intreit che una súrvile, niedha che su titone a brigare su fizu Etimo srd. Traduzioni Francese vampire, spectre, monstre Inglese vampire, ghost, monster Spagnolo vampiro, espectro Italiano vampiro, spèttro, móstro Tedesco Vampir, Gespenst, Monster.

«« Cerca di nuovo