Legenda Abbreviazioni | Legenda Simboli

arrecàtu 1 , nm Definizione genia de duda, de duritu, de delicadesa Sinonimi e contrari arrechetu, recatamentu Frasi su dotori at abertu s'enna cun arrecatu Etimo spn. recato Traduzioni Francese tenue sérieuse Inglese grave expression Spagnolo recato Italiano contégno grave Tedesco würdevolles Benehmen.

manipòsa , nf: mariposa Definizione calagasu, bobboi cun is alas ladas e pintadas chi curret a sa lughe a denote, porchedhu o lèpere de santu Antoni; genia de lughighedha chi si ponet a is mortos o po unu santu; in cobertantza, fintzes persona chi tenet pagu firmesa Sinonimi e contrari abadegasu, barabàtula, carravarina, lepilepi, papagallu 1, seisei / lumu 1 Frasi che mariposa bolat de frore in frore ◊ apo cantau rúnchines, grodhos, mariposas, alipintas ◊ colorida mariposa, visitas dogni fiore ◊ gioga mariposa, bola bola in sa mata de s’arrosa! 2. o maniposa chi semper acesa lughes de continu pro su tale e no ti olvidas de sa poberesa! (B.Sulis)◊ seu andada a comporai un'iscàtua de mariposas ◊ tremint is mariposas musciendi me is làntias ◊ pigai s'iscàtula de is mariposas e liai unus cantu trébinis, po su mortu 3. cantu fint diferentes sas pitzinnas de tandho dae sas mariposas de sos tempos presentes!…◊ sas féminas li curriant che mariposas a su fiore ◊ cun coloris de celu, ses una mariposa fata aposta po mei! (G.Cappai) Terminologia scientifica crp Etimo ctl., spn. mariposa Traduzioni Francese papillon, phalène, faible lumière, papillon (persona fatua, leggera) Inglese butterfly, moth, grave light Spagnolo falena, lamparilla, mariposa Italiano farfalla, falèna, lumino Tedesco Schmetterling, Nachtfalter, Wachslicht.

moliméntu , nm: molumentu, monimentu, morimentu, mulimentu, munimentu, murimentu Definizione genia de fràigu piticu chi si faet po che pònnere unu mortu aintru, in campusantu; muntone de pedra in su tretu de su sartu inue ant bochitu a calecunu; in crésia, su sepurcru, capella e logu ue si ponet su Santíssimu in gióbia santa, abbandha, totu aprontau e mudau cun nènneres, frores e lantiedhas Sinonimi e contrari losa, tumbinu Frasi custu male mi che ponet in su molimentu ◊ daghi apo a dare contos a Gesusu, si benis a su meu murimentu si as coràgiu mi pones su pè susu! ◊ cantos mulimentos no b'at de mortos male! ◊ non si nd'ant iscravau de sa ruxi po s'onorai in morimentu Etimo ltn. monumentum Traduzioni Francese sépulture, tombeau Inglese grave, burial Spagnolo tumba, sepultura Italiano sepoltura, tómba Tedesco Grab.

sidhadàrzu , agt, nm Definizione chi o chie istat cricandho sidhados, iscusòrgios Etimo srd. Traduzioni Francese chercheur de trésors cachés ou enfouis Inglese grave robber Spagnolo saqueador de tumbas antiguas Italiano tombaròlo Tedesco Plünderer antiker Gräber.

túda , nf: tuta Definizione su tudare, interràrgiu; fossu po interrare unu mortu Sinonimi e contrari interru 2. finas sos mortos si trement arpilados in sa tuda, de cantu est fritu ◊ ch'est coduladu che unu sacu intro de una tuda noa chi s'interramortos aiat ammaniadu pro un'àteru cortzu Traduzioni Francese fosse Inglese grave Spagnolo fosa Italiano fòssa Tedesco Grab.

«« Cerca di nuovo