Legenda Abbreviazioni | Legenda Simboli

impilíre, impilíri , vrb Definizione pònnere pilu: si narat de is pigiones, de sa gente (is piciocos chi faendho a mannos dhis creschet su pilu a inghíriu de sa natura) Sinonimi e contrari pilire | ctr. ispilire Frasi in su nidu una rúnchile crompia est impilindhe alas e carena (G.Piga)◊ bessidindhe dae mesu, tue, ite ti contas mannu, candho no ses mancu impilidu! ◊ chin sas manos a gupu, che lachedhu, est carignendhe bator gardaneras galu impilindhe ◊ su pitzinnu est galu a impilire Traduzioni Francese emplumer Inglese to feather Spagnolo emplumar Italiano impiumare Tedesco Federn bekommen.

pínna 1 , nf: pinnia 1, pínnia Definizione su pilu chi bestit is pigiones, mescamente su chi est a bisura de fògia longhita e lada créschia in sa pedhe de is alas e de sa coa, a cambu grussu e forte in sa parte de s'arraighina, meda prus fine in punta; su ferru ladu chi si ponet a peis de is boes firmau cun is cioos / pinnas maistas = sas prus mannas de s'ala; peta de p. = petza de pilloni; pegos de pinnia = furones Sinonimi e contrari impinnimenta, pinninnia, pipia 2, piuma Frasi petzi sa pinnia mi ammentat sa bolada tua ◊ segacheli sas alas dae fundhu, no li lessas pinnias! ◊ madixedha mia, cantus bias de is alas tuas mi lassasta tantis pinnas! ◊ zuches sos pilos nighedhos che pinna de corbu ◊ sa pinna fini de is pillonis dh'imperant po preni coscinus 2. sàbudu dhus depint interrogai in tribbunali e calincunu dhoi lassat is pínnias 3. is bòis si ferrant a pinna Cognomi e Proverbi smb: Pinna Terminologia scientifica crn Etimo ltn. pinna Traduzioni Francese plume, plumage Inglese plumage, feather Spagnolo pluma, plumaje Italiano pénna, piuma, piumàggio Tedesco Feder, Gefieder.

pinnàche, pinnàciu , nm Definizione matzitedhu de pinnias, de pipias, fintzes su frore a iscoba de unas cantu erbas o matedu: in cobertantza, sa natura de sa fémina / p. arrúbiu = zenia de fiore (Polygonum orientale); p. de carabbineri = amarantu Sinonimi e contrari impubusadura Frasi canna, t'ischidas in veranu e a sa fine de s'istiu vocas su pinnache pazesandhe! Traduzioni Francese panache Inglese bunch of feather, panache Spagnolo penacho Italiano pennàcchio Tedesco Federbusch.

«« Cerca di nuovo