Legenda Abbreviazioni | Legenda Simboli

cochidúra , nf: coghidura Definizione su còere sa cosa; lompimentu de is frutuàrios o manera de fàere calecuna cosa chi faet a còere; su bufóngiu a tropu de cosa cun àrculu Sinonimi e contrari cochintzu, cotua, coimentu / cota / cumpridura, lompimentu / aciumu, cochera, coichina, cotóbbia, imbreachera 2. ne bogat su frammentalzu chi aiat regoltu de s'àtera coghidura, dh'ammódhigat in abba e dhi amméschiat unu pagu de farina Etimo srd. Traduzioni Francese cuisson Inglese cooking Spagnolo cocción Italiano cottura Tedesco Kochen.

cochíntzu, cochínzu , nm: coghíngiu, coghinzu, coighinzu Definizione su còere, su fàere sa cota de su pane; su tanti de sa cosa de còere po papare una borta; su s'imbriagare / unu coghinzu de fae, de basolu, e gai = unu tanti de fà, de fasolu chi bastat po ndi còi una borta (e po su tanti de personas chi dhui papant) Sinonimi e contrari cochidura, cota, cotolza, cotua / imbreachera Frasi tanno ite sont cussas lachedhas de lavontzu e su cochintzu e totu sas àteras fainas?! ◊ duus pòburus funt andaus a s’arxola po domandai unu coghingedhu de trigu 2. est andhadu a s'ortu e at batidu unu bellu coghinzu de fae 3. cussos sont contos de cochinzu! Etimo srd. Traduzioni Francese cuisson Inglese cooking, cooking quantity Spagnolo cocción, porción Italiano cottura, quantità cucinàbile quanto basta per una vòlta Tedesco Kochen, Quantität zum Kochen.

còta , nf Definizione su còere, ma pruschetotu su faimentu de su pane e su tanti de trigu chi si faet o fatu a pane (ma podet èssere fintzes de àteru, sèmpere su tanti chi si coet in d-una borta); in cobertantza, su èssere a conca de binu, imbriagos Sinonimi e contrari cdh. apaniugnu / aciumu, cochera, coichina, coidura, cotua, imbreachera Modi di dire csn: maghinare sa c. = maghinare su trigu de fàghere a pane totu a una borta; fàghere sa c. de sa chida, de su mese; inforrai sa c.; fai una c. de pani, de pistocus, de amaretes, de carcina; èssere in c. = fendi su pani; zúghere c. = fàghere sa cota de su pane 2. dónnia cenàbara andara cun ciú cuadhu a bidha po ndi arritirai sa cota de sa cira ◊ sunt fachendhe sa cota de su cocone ◊ custa poverita andhabat semper a zúghere cota chin tantas famíllias ◊ bandheit a su molinu cun sa cota prugada e medida Cognomi e Proverbi smb: Cotta Etimo srd. Traduzioni Francese cuisson, panification Inglese cooking, baking Spagnolo cocción, panificación Italiano cottura, panificazióne Tedesco Kochen, Brotbacken.

cotogliàna , nf: cotoliana Definizione fémina àbbile chi a pagamentu andhat a is domos angenas a fàere sa cota de su pane po is àteros Sinonimi e contrari cochidora Frasi sa cotogliana giuchet sa funnedha totu impodhinata Terminologia scientifica prf Etimo srd. Traduzioni Francese femme experte dans la cuisson du pain Inglese woman skillful in cooking bread Spagnolo mujer que sabe cocer el pan Italiano dònna espèrta nella cottura del pane Tedesco geschickte Bäckerin.

cotúa, cotúra , nf Definizione su còere, unu tanti de cosa a còere, su s'imbriagare Sinonimi e contrari cochidura, coidura, coimentu / cdh., ttrs. cutura / coghinzu / aciumu, cochera, coichina, cota, cotóbbia, imbreachera Modi di dire csn: c. sullena = a fogu lenu; èssere de mala c. (nadu de unu) = èssiri genti pagu bona; èssiri de c. (nadu de laores) = èssere de bonu cotu; intrare in c. = comintzare a còghere, èssere nessi mesu cotu, nadu de cosa coghindhe Frasi a cotura incarrelada, aciungi su cundhimentu e lassa acabbai de còiri!◊ si est de cotua, su loi coit mancai no siat ammudhiau in àcua próina 2. fiat intrau a iscruculliai in domu, cun s'iscusa de una cotura de fà ◊ at fatu unu pani de saba e una cotura de pabassinas 3. si at pitzigadu una cotura… fit cotu che santu Làzaru! ◊ si at leadu una cotura mancari bella ◊ inoche puru bufamus, ma binu, no comente a bois labadura, chi pro bos cuncordare una cotura no bos la fachet unu gamasinu! Etimo srd. Traduzioni Francese cuisson Inglese cooking Spagnolo cocción Italiano cottura Tedesco Kochen.

«« Cerca di nuovo