Ditzionàriu in línia
de sa limba e de sa cultura sarda

albúciu , nm Definizione s'arraighina grussa chi portat s’abrutzu Terminologia scientifica rbr Etimo ltn. albucium Traduzioni Francese bulbe de l'asphodèle Inglese bulb of the asphodel Spagnolo bulbo del asfódelo Italiano bulbo dell'asfodèlo Tedesco Asphodillzwiebel.

cadillonédhu , nm: cadrillonedhu Definizione una calidade de abrutzu chi faet s'iscaria prus bàscia, pitica Sinonimi e contrari armutuminore, ischerdina, isciareuminore, scrariabitica, uscarina Terminologia scientifica rba, Asphodelus fistulosus Traduzioni Francese asphodèle Inglese kind of asphodel Spagnolo gamonita, gamón Italiano asfodillo Tedesco Asphodill.

cadillòni , nm: cadrilloni, caldilloni, calixone, cardillone, cardilloni, carilloni, carixoni, cradilloni Definizione erba chi faet a fundhu mannu: asuta portat is arraighinas grussas, unu pagu a bisura de patata ma longhitas e a punta, a medas coment'e un'apicone, bogat is fògias totus impare a oru a terra, lisas e a oros paríviles, longas e largas e coment'e a duas perras chi faent a canale e sèmpere prus istrintas a cara a punta; in beranu bogat sa candhelita (iscaria), prus pagu de metro, e faet su frore: foras is arraighinas, totu s'àteru sicat dónni'annu Sinonimi e contrari abrúciu, afruza, iscareja, iscaria, prammutu, tarabúciu, telaputzu, ulciareu Frasi su pillonedhu si nc'est bolau apitzus de unu cambu de cardilloni ◊ po fàiri crobes e palinis s'imperat su calixone isperrau e postu a ammodhiari Terminologia scientifica rba, Asphodelus cerasiferus e A. ramosus Traduzioni Francese asphodèle Inglese asphodel Spagnolo asfódelo Italiano asfodèlo Tedesco Asphodill.

iscarèja , nf, nn: iscareu, ischereu, isciarea, isciareu, iscralea, iscraleu, iscrarea, iscrareja, iscrarésia, iscrareu, iscrereu Definizione erba chi faet a fundhu mannu: asuta portat is arraighinas grussas (coxonale), coment'e a patata ma longhitas, a medas coment'e unu gurdone, a matzu, bogat is fògias totu impare a paristerra, lisas e a oros paríviles, longas e largas e coment'e a duas perras chi faent a canale e sèmpere prus istrintas a cara a punta; in beranu bogat sa candhelita (iscrareu, iscaria), prus pagu de metro, e faet su frore (a meda): foras is arraighinas, s'àteru sicat dónnia annu Sinonimi e contrari abrúciu, afruza, cadilloni, iscaria, prammutu, tarabúciu, telaputzu, ulciareu Frasi cussa portat sas cambas fines che un'isciareu ◊ usciavant su porcu cun focu de iscareja ◊ bi at padros de ischereu ◊ in sa candhelita de s'iscrareu si distinghent sa corria (sa parte de fora, lísia e forte) e sa mata (sa parte de mesu, modhe e débbile) Terminologia scientifica rba, Asphodelus ramosus Etimo ltn. hast(u)la regia Traduzioni Francese asphodèle Inglese asphodel Spagnolo gamón Italiano asfodèlo Tedesco Asphodill.