Legenda Abbreviazioni | Legenda Simboli

abbastànte , agt: baltante* Definizione chi bastat, chi est su tanti chi serbit Traduzioni Francese suffisant Inglese sufficient Spagnolo bastante Italiano sufficiènte Tedesco genügend.

baltànte , avb, agt, nm: abbastante, bastante, bastantes, bastanti 1 Definizione chi bastat, chi est meda (fintzes chi est tropu), chi giughet fortza Sinonimi e contrari briosu, forte Modi di dire csn: ómine b. = ómine de cabbale, chi si catzat su sonnu, chi triballat; bastante chi… = bastus chi… Frasi no lu podimus piús bajulare: bastante cantu l'amus peleadu! ◊ dèu no pràngiu prus: apu prantu bastanti! ◊ isse l'istimat bastante ◊ bastante cantu ch'est vénnidu: aite che torrat?! 2. mancari betzu so ancora bastante ◊ cussu est bastante che leone ◊ su becu nighedhu est su prus bastante de sa chedha ◊ inoche vos sezis tratesos su bastantes ◊ isse aggarrait ómines prus bastantes de issu e los istrumpait a terra ◊ unu fundu de tamatas a is gianas dhis est bastanti po umbrai 3. eo abbratzo cuntentu sa cadena, bastante chi a issa consoledas Etimo srd. Traduzioni Francese suffisant, ce qui suffit Inglese sufficient Spagnolo suficiente, bastante Italiano sufficiènte, bastévole Tedesco genügend, ausreichend.

brafantéri , agt, nm: bravanteri, bravateri Definizione barrosu, chi si credet meda bantandhosi de cosas mannas Sinonimi e contrari bagianu 1, bantageri, barrosu, brafanti, bragliosu, cuapu, fanfarroni, frallusteri, ispaparoteri, sballadori, spageri, sprodhenti Frasi brafanteri, torra, ca giogas cun megus: a is lanas de asegus creimí ca ti pigu! ◊ cussas duas, mamma e filla, funt atrividas e bravanteras Terminologia scientifica ntl Etimo srd. Traduzioni Francese hâbleur, suffisant, orgueilleux, esbroufeur Inglese boaster Spagnolo jactancioso Italiano borióso, sbruffóne Tedesco hochmütig, Aufschneider.

magnósu 1 , agt: manniosu, mannosu Definizione chi est mannu de importu; nau de ccn., chi si credet meda, chi no si abbàsciat a s'àteru o a cosas pentzadas de pagu importu Sinonimi e contrari immanniosidu, manninu / mannósigu, presumidu, strufudhosu, superbiosu Frasi manniosa bellesa universale 2. est unu mannosu, si creit su meri de s'universu ◊ sa piciochedha si fadiat sempri prus mannosa e iscumpudia apetighendi s'istima de is giovunedhus Etimo srd. Traduzioni Francese grandiose, suffisant, orgueilleux Inglese arrogant, grand Spagnolo grandioso, engreído Italiano grandióso, spocchióso Tedesco großartig, hochmütig.

mannínu , agt Definizione nau de ccn., chi est mannu de importu, chi si sentit de importu (a bortas fintzes tropu)/ manninu mannu = cuntentone, prexau meda Sinonimi e contrari ammannadu, bravanciosu, magnosu 1 / altivu, ispantosu, meravizosu, stravanau Frasi Zacomina ndhe fit mannina, ma sas sorres e sa mama ndhe fint atollitas de su fàchere suo ◊ fipo andhandhe a Núgoro e mi fachio manninu supra de su cabadhu ◊ sa natura ti at dau luche e ti at postu prospore fachèndheti manninu in s'arrampile 2. ischiat a lèzere e a iscríere e fit de fàcheres e de allegas a sa mannina 3. sa zente, mannina manna, a sos prades los aiat azudaos a fàchere su cumbentu ◊ sos isposos sunt ridèndhesi solos e manninos mannos ca totus si los abbratzant Etimo srd. Traduzioni Francese grandiose, suffisant, orgueilleux Inglese grand, bumptious Spagnolo grandioso, soberbio Italiano grandióso, spocchióso Tedesco großartig, dünkelhaft.

sechérru , agt, nm: sicherru, sigherru Definizione chi est (o tanti chi est) apenas giustu, o fintzes própriu giustu giustu, su tantighedhu chi bastat, su tanti giustu chi serbit a unu bisóngiu / a sigherru = secherre, zustu zustu Sinonimi e contrari necessàriu Frasi si nche fit andhau chin sos úrtimos secherros sodhos de sa paca ◊ as a campare sèmpere in predarjos e in sartos de tzimentu penàndhelu secherru, su bucone (G.Piga)◊ est arrejonanne in vitzichesu secherru 2. a bidha ghirabant a sas ocasiones de notu e abbarrabant su secherru, chin su contipizu de torrarent a su manizu ◊ su secherru in dommo bi est sèmpere istau 3. su tzapadore tirat e campat a sigherru, che cundennadu Etimo srdn. Traduzioni Francese juste, à peine suffisant Inglese enough Spagnolo lo suficiente Italiano quanto basta Tedesco gerade ausreichend.

«« Cerca di nuovo