Legenda Abbreviazioni | Legenda Simboli

escecutàre , vrb: esecutai, esecutare, scecutai Definizione fàere o pònnere in pràtiga un'órdine, nau mescamente in su sensu de su chi faet sa giustítzia candho a unu ndhe dhi leat sa cosa; pònnere a tréulu, burdellare su logu Sinonimi e contrari aprensionai, imbargai, issucutare, istajire, preare Frasi tocat a esecutai sa voluntadi de Deus ◊ faghe esecutare luego sa senténtzia! Etimo ctl., spn. executar Traduzioni Francese mettre sous séquestre Inglese to seize Spagnolo ejecutar Italiano staggire Tedesco beschlagnahmen.

imbargài, imbargàre , vrb: imbragai Definizione leare sa cosa a unu comente faet sa giustítzia; impedire, no lassare fàere calecuna cosa, custrínghere cun sa fortza a fàere una cosa, a óbbrigu o fintzes èssere de istrobbu, pigare logu chi serbit po àteru Sinonimi e contrari aprensionai, escecutare, issucutare, istajire, preare / imbarratzare, impiciai Frasi sa giustítzia dh'imbraghit! ◊ ant imbargau is alàscias a unu depidori ◊ "Si nd'ant imbargau is sacus de sa patata!" - tzerriàt una fémina, prangendi a sa disisperada 2. imbragandedhus a innòi, cussus giòvunus, ca s'agiudant 3. custos barduletes petzi nos imbargant su logu chentza cabu Etimo spn. Traduzioni Francese mettre sous séquestre, mettre l'embargo Inglese to seize, to impose an embargo Spagnolo embargar Italiano sequestrare, staggire, pórre l'embargo Tedesco beschlagnahmen.

imbàrgu , nm: imbragu 1 Definizione css. cosa chi faet impedimentu, chi no lassat fàere, no lassat passare o àteru Sinonimi e contrari imbàlliu, imbàrriu / scicuta Frasi su chi apo manigadu lu zuto a imbargu in s'istògomo ◊ si de s'abba chi pedimus sunt imbargu sos pecados, de coro nos repentimus (G.B.Madeddu)◊ creimus in Deus sentza imbargu perunu Etimo spn. Traduzioni Francese empêchement, séquestre Inglese impediment, seizure Spagnolo embargo Italiano impediménto, sequèstro Tedesco Hindernis, Beschlagnahme.

issucutàre , vrb Definizione su chi faet sa giustítzia candho a unu che dhi leat sa cosa chi tenet Sinonimi e contrari aprensionai, escecutare*, imbargai, istajire, preare Frasi apo a tímere chi mi ne issucutet s'arràmene de cogina!… Traduzioni Francese mettre sous séquestre, chambarder Inglese to seize, to turn upside down Spagnolo embargar, incautarse Italiano sequestrare, méttere a soqquadro Tedesco beschlagnahmen, durcheinanderbringen.

scicúta , nf Definizione su che pinnigare sa cosa a unu comente faet sa giustítzia, pigare sa cosa a poderiu; su che furare a ccn., secuestru; in cobertantza, fintzes briga manna chi si giaet a unu Sinonimi e contrari imbargu, imprendamentu, istasina 3. s'intendiat su babbu faendi una scicuta a sa filla ca fiat in giru (G.Mura) Etimo srd. Traduzioni Francese séquestre, saisie, réquisition Inglese confiscation Spagnolo embargo, secuestro Italiano sequèstro, pignoraménto, requisizióne Tedesco Beschlagnahme, Pfändung.

«« Cerca di nuovo