Legenda Abbreviazioni | Legenda Simboli

àndhe! , iscl: anne! Definizione foedhu chi narant unu pagu a ispantu, a meravíglia, a disígiu in su sensu de ite bellu!, ita bonu!, ite mannu!, ma càstia!… (in cobertantza, fintzes su contràriu, nau cun dispraxere) Sinonimi e contrari eandhe!, ita Frasi andhe presse chi tenes: aiseta! ◊ de tanta fide - e anne! - che sezis essida a s'oru pro no mi cherrer basare! ◊ andhe pedra ’e tocu sa chi ses! ◊ andh'e mammorcu chi sezis! ◊ andhe si m'istimat issa puru!…◊ andhe fortuna sa chi at tentu, a bínchere totu cussos milliones! ◊ andhe molinu, su tuo! ◊ tempos bellos abberu: andhe, si cussos tempos torraiant! (Chighine) Traduzioni Francese quel, quelle (exclam.) Inglese how nice Spagnolo ¡anda! Italiano che!, che bèllo! Tedesco da.

cài 1 , agt, prn: cale, cali Definizione agt. e prn. indefiniu impreau in is pregontas de css. manera fatas: no càmbiat de m. a f., ma solu de su sing. a su pl. (coment'e agt.); su plurale, cun is artículos e chi tenet valore de cng. po ispiegare: su cale, su cali, su (sa, sos, sas) cales chi… = e pro cussu…, difatis…(no tenet valore relativu, mai) Frasi cai cosa ti andat bèni, a tui? ◊ cali mòri pigas po andai a ingunis? ◊ cale bentu ti ndhe at batidu? ◊ ma cale ómine, ma cale fémina?!…◊ cales àrbures est a pudare? chini iscít cun calis ideas nd'iant a èssi torraus! 2. fàghelos totu guales, e no cale goi cale gai! ◊ de custas cosas, cali bolis? ◊ de sos fizos, cale est su cojadu? ◊ tia chèrrere ischire cale ti andhat bene: custu o cudhu ◊ no isco ne chie e ne cale 3. issa est sa prus sàbia e onesta, su cales chi sas bighinas la chircant pro unu cossizu ◊ no bi at istudiadu nudha: su cales chi lu ant botzadu!◊ cussu depet àere finidu sas iscolas, su cales chi lu cherent a triballare in postu ◊ sa mama cosit e tàpulat, su cales sos pitzinnos no andhant in giru istratzulados Etimo ltn. qualis Traduzioni Francese quel Inglese which Spagnolo qué, cuál Italiano quale Tedesco welcher.

calecasíat , agt: calesisiat, calichisiat, calisisiat, cualesisiat Definizione cale + chi + siat = unu bastat chi siat, no importat cale; su pl. calesisiant (a/c., a diferéntzia de totu is agt. custu no cuncordat cun su nm.; incurtzau: css.) Sinonimi e contrari calecoe, calisiollat Frasi dhui fiat genti de calecasiat logu Etimo srd. Traduzioni Francese n'importe quel, quelconque Inglese any Spagnolo cualquier, cualquiera Italiano qualsìasi, qualùnque Tedesco beliebig.

calecòe , agt Sinonimi e contrari calecasiat, calisiollat Frasi siat calecoe Traduzioni Francese n'importe quel, quelconque Inglese any Spagnolo cualquier, cualquiera Italiano qualùnque Tedesco beliebig, irgendein.

calisiòllat , agt Definizione bastat chi siat, unu calesisiat Sinonimi e contrari calecasiat Etimo srd. Traduzioni Francese n'importe quel Inglese any Spagnolo calquier Italiano qualsivòglia, qualsìasi Tedesco beliebig.

itasisíat , prn, agt: itesisiat Definizione ite siat chi siat, cale sisiat cosa, totu bastat chi siat Sinonimi e contrari itecasiat, itecoe, techi / calisiollat Frasi cussu tenit su diritu de arrocai itasisiat detzisioni nosta ◊ siat itesisiat, nos l’amus a coglire: inue bi ndhe mànigat duos bi ndhe at a manigare tres! 2. s'allainamentu est imbrutamentu de itasisiat cadhotzímini Etimo srd. Traduzioni Francese quoi que, n'importe quel Inglese whatever, any Spagnolo cualquier Italiano checché, qualsìasi, qualùnque Tedesco was auch immer, beliebig, jeder.

«« Cerca di nuovo