Ditzionàriu in línia
de sa limba e de sa cultura sarda

cannàrgiu , nm: cannarju, cannarzu Definizione isca o padente de canna; tretu de terra bella po fàere ortu (in is ortos e in is bíngias prantànt sa canna puru, ca serbiat) Sinonimi e contrari isca, oltu / cannedu Frasi unu tempus sos cannarzos de custas badhes fint prenos a basolu e moriscu ◊ in cussu cannarzu bi tenet donzi irvulu Etimo srd. Traduzioni Francese potager Inglese kitchen-garden Spagnolo huerta Italiano òrto Tedesco Gemüsegarten.

óltu , nm: ortu Definizione logu mescamente de iscra prantau a birduras o fintzes a laores de còere a granu / min. oltedhu, ortighedhu 2, ortitu; fàghere, pònnere ortu = prantai e trabballai s'ortalítzia Sinonimi e contrari cannàrgiu Frasi sas tàulas de s'ortu sunt prantadas cale a basolu, cale a patata ◊ in s'ortu dhui at birdura de dónnia calidadi ◊ in is ortos dhue faet sa tamata, su pisu, sa patata, sa crucuriga, s'aeda, sa latuca, su pedringianu, s'àpiu, sa síndria e su melone Cognomi e Proverbi smb: Ortu Etimo ltn. hortus Traduzioni Francese potager Inglese kitchen garden Spagnolo huerto Italiano òrto Tedesco Garten.

ortàle, ortàli , agt, nm Definizione nau de terra, de ortu, chi andhat bene a fàere a ortu; ortu, terra a ortu Sinonimi e contrari oltu 2. is ortalis si prantant ◊ chini ti at nau de imbucai in s'ortali miu?! Cognomi e Proverbi smb: Ortale Etimo srd. Traduzioni Francese potager Inglese vegetable Spagnolo hortense Italiano ortivo Tedesco Garten….