Ditzionàriu in línia
de sa limba e de sa cultura sarda

abbutinadúra , nf Sinonimi e contrari abbotinada, abbutinamentu, apetigamentu Etimo srd. Traduzioni Francese piétinement Inglese trampling Spagnolo pisoteo Italiano calpestaménto Tedesco Getrampel.

apeisínzu , nm Definizione su catzigare, su pònnere is peis catzigandho Sinonimi e contrari acracigu, apeítigu, apeitu, apetigognu, istrepitzu, pedicontzu Frasi s'intendhiat s'apeisinzu de sos cadhos e s'istràghida de sas rodas Etimo srd. Traduzioni Francese piétinement Inglese trampling Spagnolo pisadas Italiano calpestìo Tedesco Getrampel.

apeítigu , nm Definizione s'apeitigare, s'apeitare Sinonimi e contrari apeisinzu, apetigu, istraitzu, pedicontzu Frasi mísciu a s'apeítigu s'intendhet s'apedhu de sos canes Etimo srd. Traduzioni Francese piétinement Inglese pattering Spagnolo pisadas Italiano calpestìo Tedesco Getrampel.

apeítu , nm Definizione s'apeitigare, s'apeitare; sa moidedha chi si faet cun is peis camminandho Sinonimi e contrari apeisinzu, apetigognu, arrapitalla, istrepitzu, pedicontzu Etimo srd. Traduzioni Francese piétinement Inglese trampling Spagnolo pisadas, pasos Italiano calpestìo Tedesco Getrampel.

apetígu, apétigu , nm Definizione catzigóngiu chi si faet ponendho is peis; nau in cobertantza, male chi si faet a s'àteru mescamente aprofitandho ca no si podet difèndhere Sinonimi e contrari apeítigu, apeitu, apeisinzu, apetigamentu, istraitzu, apetigognu, pedicontzu / acovecu / atrípidu, istrepitzu, istrípidu, tribitu Frasi s'intendhiat su chistionu de sa zente e s'apetigu de sos cadhos 2. ndi dh'ant fatu de apetigu, a cussu!… Etimo srd. Traduzioni Francese piétinement, vexation Inglese overwhelming, trampling Spagnolo pisoteo Italiano calpestìo, sopraffazióne Tedesco Getrampel, Überwältigung.

atrípidu , nm Definizione genia de moida chi si faet cun is peis; fintzes cropos, surra Sinonimi e contrari apetigu, atripizu, istrepitzu, istrípidu, tribitu / atripa Etimo srd. Traduzioni Francese piétinement Inglese pawing, pattering Spagnolo pisadas, patear Italiano calpestío, scalpitío Tedesco Getrampel, Gescharre.

cacigadúra , nf: acracigadura, caticadura, catigadura Definizione su catzigare Sinonimi e contrari carcadura, carcamentu, càticu Frasi sa ua si podet fàghere a catigadura pro la incubonare e fàghere a binu o a maghinadura ◊ is féminas portant is cadinus prenus de àxina a sa cacigadura Etimo srd. Traduzioni Francese foulage, piétinement Inglese trampling, pressing Spagnolo pisa Italiano calpestaménto, pigiatura Tedesco treten, keltern.

carcigaméntu , nm: acacigamentu, catigamentu Definizione su catzigare a meda unu logu, una cosa cun is peis a su passa passa Sinonimi e contrari cacigadura, calcighinzu, catigonzu Etimo srd. Traduzioni Francese piétinement Inglese trampling Spagnolo pisoteo Italiano calpestaménto Tedesco Treten.

càticu , nm, nf: càtiga, càtigu Definizione su catzigare / a c. = nau de cosa, chi portat pesu in pitzu o istat in istrintu meda Sinonimi e contrari acracigu, calcighinzu, iscàticu Modi di dire csn: una càtiga de zente = zente meda, a muntones, a càtiga muredhu, unu subra de s'àteru azummai che a sas pedras de unu muru; pònnere una cosa a càtigu = asuta, asuta de is peis Frasi sa zente in crésia bi fit a càticu, a càtiga ◊ no bi ndhe ponzas meda ca a càtigu si pistat, sa figu ◊ bi est acudida piús zente de sa chi bi podiat istare: meràculu si no bi ndhe at mortu a càtigu! ◊ sa sue a càtigu s'at mortu unu porchedhu 2. si l'at posta a càtigu sa cosa bona! Terminologia scientifica Etimo srd. Traduzioni Francese piétinement, serré Inglese trampling, pressed, tight Spagnolo pisado, estrecho Italiano calpestìo, pigiato, strétto Tedesco Getrappel, gedrückt, eng.

istrepítzu , nm: istribitu, istripitzu, istripitu Definizione sa moida forte chi si faet camminandho, tragandho o pistandho is peis; genia de ballu lestru Sinonimi e contrari apeisinzu, apeitu, atrepillu, ischidu 1, ischimuzu, istriminu / apetigu, atrípidu, istrípidu, tribitu / cdh. stripitza, stripitzu / badhu Frasi un'istrepitzu paret chi mi che butet su coro, ma est solu unu lèpore currenne ◊ isse connoschet sa zente a s'istribitu ◊ chena fàchere istripitzu ne fracassu, a peutu a peutu, atentu atentu ◊ su sirbonedhu no intendhiat istripitu perunu in sa bubada Traduzioni Francese piétinement Inglese shuffling Spagnolo ruido de pasos Italiano calpestìo, scalpiccìo Tedesco Getrappel.

istrípidu , nm Definizione moida de passos, cropos de peis a terra Sinonimi e contrari apetigu, atrípidu, istrepitzu, istrimutu, tribitu Frasi su cadhu est a istrípidos Traduzioni Francese piétinement Inglese scuffling Spagnolo ruido de pasos Italiano trepestìo Tedesco Getrampel.