dissalíre, dissalíri , vrb Definizione tròchere o bogare su sale a calecuna cosa, immenguare su sale; leare sa sustàntzia, isfrutare 2. su segare su fenu semper in su matessi logu dissalit sa terra Etimo itl. Traduzioni Francese dessaler Inglese to desalinate Spagnolo desalar, desalinizar Italiano dissalare Tedesco entsalzen.

ilbambiàre , vrb: irbambiare, sbambiai Definizione fàere bambu, fàere prus pagu saliu aciunghendho àtera cosa, pèrdere sale; in cobertantza, nàrrere isciolórios Sinonimi e contrari abbambiai, irbambissiare, isbambiorare / sciolloriai | ctr. salire Frasi no annungas tropu abba a su brou, como, ca lu torrat a irbambiare! ◊ si càmbiat s'abba a tantas bortas pro irbambiare su bacagliare Etimo srd. Traduzioni Francese dessaler Inglese to desalt Spagnolo hacer insípido, desalar Italiano insipidire, dissalare Tedesco geschmacklos werden, entsalzen.

irbambissiàre , vrb Definizione fàere o essire bambu, pèrdere sale Sinonimi e contrari abbambiai, ilbambiare, isbambiorare | ctr. salire Etimo srd. Traduzioni Francese dessaler Inglese to desalt Spagnolo desalar Italiano scipidire Tedesco geschmacklos werden.

isaboriàre , vrb: isciaborgiai, isciaboriai, sciaborai Definizione pèrdere o leare (o fintzes cambiare) su sabore bonu a is cosas de papare o de bufare Sinonimi e contrari sciapidai | ctr. assainetare, insaboriai Frasi no bi ponzas tropu abba ca isabórias su mànigu! Etimo srd. Traduzioni Francese dessaler Inglese to desalt Spagnolo desabrir, desaborar Italiano insipidire Tedesco geschmacklos werden.

«« Cerca di nuovo