Ditzionàriu in línia
de sa limba e de sa cultura sarda

arrànda , nf: arrandha, arrenda 1, randha Definizione genia de tessíngiu a lascu chi si ponet po bellesa / arranda de su carrúciu = s'imbastimentu de sas tàulas de sa morisca (si podet bídere bene meda candho sa tàula est sica cun sa purpa prudigada) Sinonimi e contrari arrandíliu, intradò, randhadu, trina 1 Frasi in palas de su monti mi setzu a fai arranda…◊ cust'arrenda dh'at fata cia Pepina po sa crerència ◊ de is brúcius essint is arrendas de is polànias Terminologia scientifica ts Etimo spn. randa Traduzioni Francese dentelle Inglese lacework Spagnolo encaje Italiano merlétto, trina Tedesco Spitze.

arrandài , vrb: arrendai 1, randai Definizione fàere o pònnere s’arrandha a unu bestimentu o trastu Sinonimi e contrari irrandhare, trinetare Frasi est arrandendi sa camisa ◊ mi ammostas su chi as arrandau me is pannus? ◊ is féminas ant arrandau sa tialledha de s'altari ◊ apu arrendau is lensolos 2. intamen de arrechiai a su babbu mortu, sa genti iat arrandau po sa filla Etimo srd. Traduzioni Francese faire de la dentelle Inglese to lace Spagnolo adornar con encajes Italiano merlettare Tedesco mit Spitzen besetzen.

intradò , nm: intredò, introdou, introrò Definizione genia de tessíngiu a lascu (fatu a màchina, industriale) chi si ponet po bellesa prus che àteru in órulos de bestimentu Sinonimi e contrari arranda, randíliu, trina 1 Frasi si at postu su bistiri prus bellu, cussu de velludu cun s'intredò biancu (M.A.Cappai)◊ a su postu de su chipurru a sa camisa che dhi ant postu custu introdò Terminologia scientifica ts Traduzioni Francese dentelle Inglese lace Spagnolo encaje Italiano pizzo Tedesco Spitze.