Ditzionàriu in línia
de sa limba e de sa cultura sarda

múdulu , agt: múrulu, mútulu Definition nau prus che àteru de craba (o fintzes de mascu, de becu), chi no at fatu corros, chi est o est abbarrada a conca nida Synonyms e antonyms cóciu 1, morcudu, múticu, pabadi | ctr. corrudu Sentences fiadu anzenu, múdulu o corrudu, romasu o rassu, fit totu sou ◊ deo apo a èssere múdulu, ma tue ses corrudu! ◊ una craba est cúncula de corra e una múdula a sonalla ◊ is bacas nostas funt múdulas Surnames and Proverbs smb: Mudulu Etymon ltn. mutilus Translations French sans cornes (bête) English unhorned Spanish sin cuernos Italian sènza còrna, privo di còrna German hörnerlos.

múdulu 1 , agt Definition chi no foedhat, siat po abbitúdine e siat po neghe de natura Synonyms e antonyms citiu, mudu Sentences restesit che àinu imbastadu a conca a terra, múdulu e isfaltadu Etymon srd. Translations French muet, sourd-muet English mute (deaf-) Spanish mudo, sordomudo Italian muto, sordomuto German stumm, taubstumm.