Ditzionàriu in línia
de sa limba e de sa cultura sarda

atriciatrícia , avb: triciatrícia Definitzione totu isciustu de abba o de sudore Sinònimos e contràrios batíssia, cobagoba, conacona, telciulatélciula, tilchiatílchia, tiritiri Frases est atriciatrícia ca l'at àpidu s'abba in caminu e no zughiat paracu ◊ est pioindhe atriciatrícia ◊ babbu triulendhe fit atriciatrícia, infustu de suore Ètimu srd. Tradutziones Frantzesu ruisselant Ingresu dripping Ispagnolu chorreante, sudar mucho Italianu grondante Tedescu triefend.

atríciu , agt Definitzione isciustu colagola, a una murca Sinònimos e contràrios abbúrbiu, bràdinu, ifustu, tilchiatílchia, tiritiri | ctr. assutu, sciutu Frases sos cadhos funt atrícios de suore ◊ su pastore est atríciu: donzi pilu isgutat abba a càntaru! ◊ est cun sas bestes atrícias ◊ zughiat sa camija tota atrícia de matéria Ètimu srd. Tradutziones Frantzesu imbibé Ingresu dripped Ispagnolu empapado Italianu infarcito (d'àcqua) Tedescu triefend.

isgutósu , agt Definitzione chi istídhigat, isgutat, est istidhigandho Sinònimos e contràrios gutiosu, tiritiri Ètimu srd. Tradutziones Frantzesu qui goutte Ingresu dripping Ispagnolu que gotea Italianu gocciolante Tedescu triefend.

tiritíri , avb: tziritziri 3 Definitzione chi est a búrbiu, isciustu meda, antzis cun s'abba (o àteru) totu istidhigandho, calandho a coras, a tírulu, a tziri Sinònimos e contràrios batíssia, cobagoba, conacona, tilchiatílchia, tritzitritzi, tzuritzuri Frases so essidu, mi at sighidu s'abba e mi at fatu tiritiri (G.Ruju)◊ fit tiritiri in cada mermu de sa carena de s'abba chi fit proghendhe ◊ su suore li curriat in s'ischina e zughiat sa camisa tiritiri Ètimu srd. Tradutziones Frantzesu ruisselant Ingresu dripping Ispagnolu chorreante Italianu grondante Tedescu triefend.