Ditzionàriu in línia
de sa limba e de sa cultura sarda

cèlla , nf: tzella Definitzione aposentedhu de presone, o fintzes de unu cunventu Frases coro, ispetandho a tie, che pigione in sa cella seo bivendho inserrada! Ètimu itl. Tradutziones Frantzesu cellule disciplinaire Ingresu cell Ispagnolu celda Italianu cèlla Tedescu Zelle.

céllula , nf: tzéllula Definitzione organísimu elementare fatu de pòdere crèschere e fàere àteros organísimos de sa matessi genia o fintzes arremos e partes diferentes in d-una matessi carena: si cumponet de tres partes chi funt su pígiu de fora o membrana, s'abru e s'oidedhu o parte e mesu / genias de céllula: sessuale (de mascu o de fémina, addatas po si aunire/intrare apare a lobas e cumenciare un'organísimu nou), somàtica (de un'organísimu fatu o fintzes solu incarrerau) Terminologia iscientìfica crn Tradutziones Frantzesu cellule Ingresu cell Ispagnolu célula Italianu cèllula Tedescu Zelle.

chèdha 1 , nf Definitzione su buidedhu inue s'abe, in sa bresca, ponet su mele e sa cria Frases isco s'inzéniu chi teniat s'ape pro fàchere sa vera de chera totu a misura e poi pro prenare donzi chedha de mele Terminologia iscientìfica sbs Tradutziones Frantzesu alvéole Ingresu cell Ispagnolu celdilla Italianu cellétta Tedescu kleine Zelle.