Legenda Incurtzaduras | Legenda Sìmbulos

achicài 1 , vrb: achicare 1, achichiae, achichiai, achichiare, achichiari Definitzione foedhare segandho su foedhu, naendhondhe una parte a tantas bortas coment’e chi unu no arrennèsciat a dhu nàrrere intreu totu a una sulada Sinònimos e contràrios bebbecare, chechinare, cocojare Frases s'assessore Chessa faedhanne in su telèfono àltziat sa boghe, si afutat, achicat, si faghet ruju ruju… (A.Cossu)◊ su fuedhu bogancedhu bèni, ca tui achicas! 2. chi podit iscabidhai, sa bagadiedha, gei no abarrat achichiendu!… Ètimu srd. Tradutziones Frantzesu bégayer Ingresu to stammer Ispagnolu tartamudear Italianu balbettare Tedescu stottern.

achichiadúra , nf Definitzione su achicare, su foedhare achicandho Sinònimos e contràrios achichiamentu, achíchiu Ètimu srd. Tradutziones Frantzesu bégaiement Ingresu stammer Ispagnolu tartamudeo Italianu balbùzie Tedescu Stottern.

achíchiu , nm Definitzione sa trata muda, sa neghe de achicare, su achicare foedhandho Sinònimos e contràrios achichiadura, achichiamentu Frases cussa est cosa chi fait sanai de s'achíchiu Ètimu srd. Tradutziones Frantzesu bégaiement Ingresu stutter Ispagnolu tartamudeo Italianu balbùzie Tedescu Stottern.

arrughiméntu , nm Definitzione su arrughire, su èssere arrughios Sinònimos e contràrios arragacioi, arrughidura, sarragamentu, sarragu, serrogu, sarraju Ètimu srd. Tradutziones Frantzesu enrouement Ingresu hoarseness Ispagnolu ronquera Italianu iscofonìa, raucèdine Tedescu Stottern, Heiserkeit.

chechinàre , vrb: chichinare Definitzione foedhare achicandho, nàrrere is foedhos a arrogus e a mússius, cun dificurtade po difetu Sinònimos e contràrios achicai 1, cocojare Frases candho timiat, su pitzinnu no resessiat a ispricare paràula e si poniat a chichinare ◊ cun sa tremuledha li at nadu, chichinandhe, de s'ispozare Ètimu srd. Tradutziones Frantzesu bégayer Ingresu to stammer Ispagnolu balbucear, tartamudear Italianu balbettare Tedescu stottern.

«« Torra a chircare