cicaròni , nm: cicherone, tzicherone Definitzione cíchera manna, genia de istregighedhu unu pagu diferente de sa cíchera Sinònimos e contràrios dischedha, gótulu Terminologia iscientìfica stz Ètimu srd. Tradutziones Frantzesu écuelle Ingresu bowl Ispagnolu taza (de desayuno) Italianu ciòtola Tedescu Schüssel.

dischèdha , nf: discuedha Definitzione min. de discu, istregighedhu de terra, imbidru o àteru a pònnere calecuna cosa a papare, a bufare Sinònimos e contràrios cícara, discu, iscudilla, tzicherone Terminologia iscientìfica stz Tradutziones Frantzesu bol Ingresu bowl Ispagnolu tazón (m) Italianu scodèlla Tedescu Schüssel.

díscu , nf, nm: díscua Definitzione istregighedhu cofudu a pònnere cosa po papare / min. dischedha, dissichedha Sinònimos e contràrios cícara, iscudilla, piatu Frases po dogna piciochedhu ponit una discu de lati ◊ de cantu fit bonu custu binicotu amus lintu sa dischedha! ◊ mi at batiu una dischedha de late ◊ che li ant furadu unu discu pro fàghere murzola e unu piatu ◊ a festa acabbada, cun sa díscua passat po arregòlliri arrogalla de brunzu de torrai a iscallai Sambenados e Provèrbios prb: chie no ischit manigare in discos noos, mànigat in discos betzos Terminologia iscientìfica stz Ètimu ltn. discus Tradutziones Frantzesu bol, écuelle Ingresu bowl Ispagnolu tazón, cuenco Italianu scodèlla, ciòtola Tedescu Schüssel.

scifèdha , nf: ischivedha, sciuvedha, scivedha Definitzione genia de istrégiu de terra, largu meda, no tanti artu, ma cun su fundhu tundhu e ladu, meda prus piticu de is oros de pitzu, impreau mescamente po impastare o cumassare sa farra a fàere su pane / min. scifedhita Sinònimos e contràrios lebbreri, pianedha 1, sciacuadera, tavania, todinera Maneras de nàrrere csn: buca de s. = buca de forru, chie zughet buca manna o faedhat meda; èssiri impastaus in sa própiu s. = èssere fatos a sa matessi manera, àere sas matessi ideas e calidades Frases in sa scivedha si fait s'impastadura de sa farra ◊ at postu su saboni a ammodhiai in sa scivedhita ◊ pigu sa scivedha e mi pòngiu a cumossai ◊ sa scivedha de cumassai est sa manna ◊ mamma mia una dí cummossendi iat iscanniu una scivedha 2. ita mi siat diferentis, cussus: funt impastaus in sa própiu scifedha! Terminologia iscientìfica stz Ètimu srd. Tradutziones Frantzesu pétrin Ingresu basin Ispagnolu artesa, masera Italianu catino, màdia Tedescu Schüssel, Backtrog.

tzícara , nf: cícara*, tzíchera Definitzione istregighedhu fucudu de terra, imbidru o àteru a pònnere calecuna cosa a papare, a bufare / min. tzicheredha = cícara chi portat s'asa e si ponet po su cafei Sinònimos e contràrios aíscu, chíchera, dischedha Frases a irmurzare s'at postu una tzíchera de late ◊ sa culpa est sa mia si dae cussa tzíchera de oro che suspo su licore avelenadu! ◊ li apo postu sa supa in sa tzícara Sambenados e Provèrbios smb: Zichera Terminologia iscientìfica stz Tradutziones Frantzesu bol Ingresu bowl Ispagnolu escudilla, tazón Italianu scodèlla, ciòtola Tedescu Schüssel.

«« Torra a chircare