Ditzionàriu in línia
de sa limba e de sa cultura sarda

abburbúdhu , nm: abburvudhu, buivudhu Definitzione su abburvudhare, ufrare, prenare / èssere a. = prenu Sinònimos e contràrios abbuvudhada 2. cun s’ànimu abburvudhu de invocos lastimosos e de suspiros bóidos sighiat a piànghere pro un’ómine (P.Mura) Ètimu srd. Tradutziones Frantzesu grossissement Ingresu enlargement Ispagnolu engrosamiento Italianu ingrossaménto Tedescu Schwellung.

abbuscicadúra , nf Definitzione su èssere totu a busciuruchedhas, ufraduras Terminologia iscientìfica mld Ètimu srd. Tradutziones Frantzesu bouffissure, boursouflure, enflure Ingresu accentuated swelling Ispagnolu hinchazón, tumefacción Italianu gonfióre accentuato Tedescu starke Schwellung.

abbussínu , nm Sinònimos e contràrios abburvudhu / abbuscicadu, matibbullosu Terminologia iscientìfica mld Ètimu srd. Tradutziones Frantzesu enflure, hydropéxie Ingresu hydropsy Ispagnolu hinchazón Italianu gonfióre, ìdrope Tedescu Schwellung, Hydrops.

malàndura , nf: maràndhula, maràndua, maràndula, maràndura, marànnula Definitzione fae in sa pedhe, essidura, guronedhu orrúbiu chi faet a iscrafíngiu o ufradura po puntura de calecunu bobboi, po corpadura; sa gràndhula asuta de sa barra e, a logos, su tretu tra su tzugu e sa barra de fundhu de su porcu, prena de gràndhulas (néulas), chi si cunfetat che a sa panceta Sinònimos e contràrios babajone / arràndula, gaticiola, giàngula, gràndhula, làndora / ganga Frases seu a iscrafíngiu totu a maràndulas ca apu papau cosa cun píbiri ◊ candu intramu a mari ndi essei cun is cambas a maràndulas de su bromu ◊ po no pigai a iscrafíngiu a tui mi depu preni de maràndulas dèu cun cussa fà?! Ètimu srd. Tradutziones Frantzesu bouton Ingresu bulge Ispagnolu roncha Italianu pónfo Tedescu Schwellung.

ufradúra , nf: infiadura, ofiadura, unfiadura, unfladura, unfradura Definitzione su èssere ufrau de un'arremu po pistadura o àteru male Sinònimos e contràrios abburvudhadura, atisidhu, ufronzu / cdh. unfiatura Frases sa craba si fut fata a unfradura, a unfradura, e morta si fut ◊ s'ufradura che at abbassiadu Ètimu srd. Tradutziones Frantzesu tuméfaction, enflure Ingresu swelling Ispagnolu hinchazón Italianu tumefazióne, gonfióre Tedescu Schwellung.

ufròre , nm: unfiore, unflore, unflori, unfroi, unfrore, unfrori Definitzione su èssere ufrau de una cosa; tretu ufrau de sa carena; in cobertantza, su èssere primmaos, tzacaos / unfrori de gúturu = lúpia Sinònimos e contràrios abburvudhadura, atisidhu, ofiadura, ufratzone / cdh. unfiori / annicu Frases s'unfrori si est abbasciau 2. it'est s'ufrore chi tenes, oe, chi no faghet a ti nàrrere nudha?! ◊ a s'acabbara gei dhis est passau s'unfroi! Ètimu srd. Tradutziones Frantzesu enflure Ingresu swelling Ispagnolu hinchazón Italianu gonfiézza, gonfióre, enfisèma Tedescu Schwellung, Emphysem.