Ditzionàriu in línia
de sa limba e de sa cultura sarda

afabbilidàde, afabbilidàdi , nf Definitzione su èssere afàbbile Sinònimos e contràrios amistàntzia, blandhura Tradutziones Frantzesu affabilité Ingresu friendliness Ispagnolu afabilidad Italianu affabilità Tedescu Freundlichkeit.

blandhúra , nf: blandura, brandhura Definitzione su èssere brandhu, nau mescamente de sa manera de fàere de unu Sinònimos e contràrios blandori Frases cussa fémina est una blandhura totu! ◊ isculta su lamentu: càmbiala in blandhura sa duresa!◊ seu alliscinau in su meli, in sa blandura apu imburchinau (A.Cannas)◊ cun trassa e cun blandhura l'ant tentada, ma no at tzédidu! Tradutziones Frantzesu affabilité, amabilité Ingresu affability Ispagnolu afabilidad Italianu affabilità Tedescu Freundlichkeit.

irféstu , nm Definitzione incuru, interessamentu, atentzione po s'àteru o po un'iscopu Sinònimos e contràrios gentilesa, interessamentu Frases ringràtzio a tie de s'irfestu chi t'as picau coment'e una vera sorre ◊ como mi naras cantu ti depo dare po totu cust'impinnu e irfestu chi t'as picau! Ètimu srd. Tradutziones Frantzesu gentillesse Ingresu kindness Ispagnolu amabilidad Italianu gentilézza Tedescu Freundlichkeit.