Ditzionàriu in línia
de sa limba e de sa cultura sarda

afradiaméntu , nm Definitzione su si cunsiderare frades fintzes sentza èssere fígios de matessi babbu e matessi mama Frases domandai libbertadi e giustítzia, pretendei paridadi e afradiamentu! Ètimu srd. Tradutziones Frantzesu fraternité Ingresu brotherhood Ispagnolu hermandad Italianu fratellanza Tedescu Bruderschaft.

crofaría , nf: crufaria, cunflaria, cunfradia, cunfraria, grufaria Definitzione assótziu de cunfrades, de cunsorres Sinònimos e contràrios arrega 2, germandadi Frases iant apena finiu de ch'incravai su Cristus e primma de torrai a dommu una parti de sa cunfraria s'est frimmada a si bufai una tassa de cosa ◊ a innanti essint is frades de capa, dónnia cunfraria cun sa rughe sua: bestios in orrúbiu e cun su capedhu is de su coro de Gesús, cun sa capita asula is de s'orrosàriu Ètimu ctl. confraria Tradutziones Frantzesu confrérie Ingresu confraternity Ispagnolu cofraría Italianu confratèrnita Tedescu Bruderschaft.

germandàdi , nf: germendadi, germendari Definitzione sótziu de cufrades germanus / passai a germendari = colare o andhare a fiotu Sinònimos e contràrios arrega 2, crofaria Frases sa germendari de su Sepurcu pentzàt sempri a interrai is mortus de poboresa Ètimu ctl. germandat Tradutziones Frantzesu confrérie Ingresu brotherhood Ispagnolu cofradía Italianu confratèrnita Tedescu Bruderschaft.