Ditzionàriu in línia
de sa limba e de sa cultura sarda

cagliadédhu , nm: calgiadedhu, calladedhu, callaedhu Definitzione late tocau a càgiu ma no ancora fatu a casu; ludu cagiau chi faet s'abba comente proet Sinònimos e contràrios cagiau, frua, lataxedu, pieta Frases a su lati intebidau si ponit su callu e apustis essit su calladedhu Terminologia iscientìfica csu Tradutziones Frantzesu bouillie Ingresu swill Ispagnolu papilla Italianu poltìglia Tedescu Brei.

madrédhu , nm Definitzione css. cosa modhinca modhinca, impastada cun abba meda, apicigosa, lissinida, e fintzes cosa infadosa; nau de ccn., chi est chentza de fortza peruna, illangoriu / fatu a m. = ammudhiau meda Sinònimos e contràrios magullolla, maltitzu Frases si che betat su frémulu in su tofu de sa farina, murighendhe cun sos pódhighes, poscas si carrarzat su madredhu cun farina (G.Addis) Tradutziones Frantzesu bouillie Ingresu mush Ispagnolu papilla Italianu poltìglia Tedescu Brei.

papadèdha , nf: paparedha Definitzione papare po pipios piticos: pane cotu in su brodu Sinònimos e contràrios papaledha Frases su burrinchedhu dh'iaus pesau a paparedha (G.Mura) Terminologia iscientìfica mng Tradutziones Frantzesu bouillie Ingresu baby food Ispagnolu papilla Italianu pappa Tedescu Brei.

papalèdha , nf Definitzione cosighedha modhe modhe a papare Sinònimos e contràrios papadedha, pàpula Frases dae candho che li ant bogadu sas dentes est sempre a papaledha Tradutziones Frantzesu bouillie Ingresu mush Ispagnolu papilla Italianu pappétta Tedescu Brei.

papínu , nm Definitzione genia de papare delicau; impastu fatu cun farra de sèmene de linu po cura / pesare a p. (nau de animalis de nascidroxu)= chentza su lati de sa mama, cun papai chi dhis donat sa genti 2. pro alléviu, su dutore li at inditadu de si pònnere unu papinu ◊ at fatu unu papinu de marmaredha e sèmene de linu, pro su dolore de mata Ètimu itl.p papín Tradutziones Frantzesu bouillie Ingresu baby food Ispagnolu papilla Italianu pappina Tedescu Brei.