Ditzionàriu in línia
de sa limba e de sa cultura sarda

annéstriu, annéstru , nm Definitzione totu su chi si narat o chi si faet a unu po dh'imparare s'educatzione Sinònimos e contràrios educascione, imparu, iscussada Frases no ndhe li at dadu de annestru a su fizu e como si ndhe impudat! ◊ annéstrios e cossizos retziant babbu e fizos! (G.A.Mura) Ètimu srd. Tradutziones Frantzesu éducation Ingresu education, training Ispagnolu educación, formación Italianu educazióne, addestraménto, istruzióne Tedescu Erziehung, Ausbildung, Bildung.

educasciòne, educassiòne, educassiòni, educassòne , nf: educatzione, educatzioni Definitzione totugantu su chi si faet po giare imparu a su cristianu, po dhi pònnere abbitúdines bonas, de cunsideru e arrespetu po is àteros puru; sa manera, is bonas maneras de fàere, de si cumportare, de pigare sa gente e is cosas Sinònimos e contràrios adducatzione, annéstriu, chíschiu, imparu, pesadia Frases chie at connotu bona educascione amat siguramente s'onestade (A.Paba)◊ bella educassioni: no tenit seti annus e fuedhat de aici! ◊ tengu prus educatzioni de fostei, ca est totu sa dí manna nendi mali de sa genti! ◊ s'educatzioni donada cun amori veru est fata de libbertadi e de frenus Tradutziones Frantzesu éducation Ingresu upbringing Ispagnolu educación Italianu educazióne Tedescu Bildung, Erziehung.

folmasciòne , nf Definitzione su formare, su fàere, nau fintzes in su sensu de imparu, educatzione Sinònimos e contràrios annéstriu, educascione, imparu Tradutziones Frantzesu formation Ingresu formation Ispagnolu formación, educación Italianu formazióne Tedescu Bildung.

impàru , nm Definitzione su imparare / serbí de i. (unu certu, dannu, istrobbu) = itl. servire da lezióne, de iscrammentu Sinònimos e contràrios ammaistramentu, annéstriu, imparamentu, imparonzu Frases faghindhe chirca e dendhe imparu as dadu lughe a sa persone ◊ ca so nàschidu prima, prima apo tentu imparu ◊ s'agu ti siat pinna chentza perunu imparu! ◊ imparu malu ti ant donau a bolli cent'e unu amorau in fastígius! ◊ tocat a donai imparus bonus a is fillus Ètimu srd. Tradutziones Frantzesu apprentissage, instruction, stage Ingresu learning, training Ispagnolu aprendizaje Italianu apprendiménto, tirocìnio, istruzióne Tedescu Lernen, Lehre, Bildung.

pesadía , nf Definitzione manera de pesare su fedighedhu, is minores, de dhos fàere a mannos, de dhos imparare Sinònimos e contràrios annéstriu, educascione, pesadoria, pesantza / ttrs. pisadia Frases at sighidu s'onesta pesadia ipasigada in sa soledade ◊ donzunu faghet segundhu sa pesadia chi at àpidu Ètimu srd. Tradutziones Frantzesu éducation, formation Ingresu education Ispagnolu educación Italianu educazióne, formazióne Tedescu Erziehung, Bildung.