Ditzionàriu in línia
de sa limba e de sa cultura sarda

pòmpa 1 , nf Definitzione genia de tubbu longu de plàstica o gomma (o àteru materiale lentu) po manigiare abba o àteru deasi; fintzes motore o màchina chi mandhat calecuna cosa (es. abba, gasu, cimentu, àteru) in pompas o in tubbos / min. pompita Sinònimos e contràrios tubbu Frases ponimí sa pompa a su grifoni po acuai is froris! ◊ fimus a iscacàglios e ndhe intrat mamma chin sa pompa birde… nos semus fena istremutidos! E callados! 2. cras nos benit sa pompa a betare bòveda Ètimu itl. Tradutziones Frantzesu tuyau Ingresu pipe, tube Ispagnolu tubo, bomba Italianu tubo, pómpa Tedescu Röhre, Pumpe.

túbbu , nm Definitzione metallu o àteru materiale fatu a bisura de canna, tuvudu, a cundhutu de dhue pòdere passare aintru abba o àteru deasi / t. de iscapamentu = in is màchinas a motore a iscópiu, genia de tubbu chi serbit po che iscapare o bogare su fumu e àteros resídios a fora Ètimu itl. Tradutziones Frantzesu tuyau Ingresu pipe Ispagnolu tubo Italianu tubo Tedescu Rohr.