Ditzionàriu in línia
de sa limba e de sa cultura sarda

cànsciu , nm: (càn-sci-u) cànsiu, cansu 1, càsciu 1 (cà-sci-u) càssiu, cassu Definitzione fardeta de asuta, genia de bestimentu de féminas, a bisura de gunnedha, de pònnere asuta de sa gunnedha e de lassare a crocare su note; a logos est su corpete de pònnere dónnia die Sinònimos e contràrios bidhori, càisciu, canscioleta, cansitu, suntanu, tetela, trintzedhu / cóssiu Frases suta de sa munnedha zughet su càssiu ◊ so nuda chi non porto mancu cansu ◊ a sas boghes, intro de note, ch'est essida a fora chentza mancu si pònnere sa munnedha, in càssiu etotu Terminologia iscientìfica bst Ètimu itl. casso Tradutziones Frantzesu jupon Ingresu petticoat Ispagnolu cancán, enaguas Italianu sottogònna, sottovèste Tedescu Unterrock.

tetèla , nf Definitzione genia de bestimentu de féminas, de pònnere asuta de sa gunnedha o de lassare a crocare su note; bestiredhu de pipiu (bestiu a bisura de feminedha) Sinònimos e contràrios bidhori, canscioleta, cànsciu, cansitu, suntanu Frases antalena, fardeta e tetela carrarjant sos mermos suos 2. candho fipi minoredhu a teteledha aiamus unu porcu mannalitu Terminologia iscientìfica bst Tradutziones Frantzesu jupon Ingresu petticoat Ispagnolu enagua, combinación Italianu sottovèste Tedescu Unterkleid.