bentòsa , nf: ventosa Definitzione genia de istampu chi si faet a is forros, a is fogàgias, po che fàere essire su fumu, a is carradas (ma fintzes una genia de tapighedhu de su frascu chi si ndhe leat po lassare intrare s'ària bufandho); genia de manígiu po cura; aina po tirare sàmbene o àteru Sinònimos e contràrios butarolu Maneras de nàrrere csn: betare sas bentosas = pònnere sas tatzas in sa pedhe pro cura; betare sa bentosa (nadu in suspu)= manigare o colliresiche sa cosa a tropu, faisí una bella satzada Frases iscàmpio a compudare sas bentosas ca paret in cherta de cambiare bentu! 2. dhi ant ghetau una bentosa cun tres piscicantis a unu costau ◊ istat apitzigadu che bentosa finas a li fàghere sa palete! ◊ no fiant serbidas a nudha is mexinas, is bentosas! 3. za bi l'at betada sa bentosa: de una supera de macarrones no bi ndhe at lassadu unu, a sa sola! Ètimu spn. Tradutziones Frantzesu soupirail, ventouse Ingresu airhole Ispagnolu respiradero, ventosa Italianu sfiatatóio, coppétta Tedescu Luftloch, Luftabzug, Schröpfkopf.

butarólu , nm Definitzione tubbu o apertura de unu depósitu po candho est tropu prenu o àteru; fintzes grifone Sinònimos e contràrios bentosa / grifone 1 Frases onzi canale de sa cobertura falat a butarolu, de cantu est proindhe meda ◊ in sa funtana bi est sempre su matessi butarolu ma no bi falat butiu de abba: est sica! 2. s'abba in sas domos essit in su butarolu Ètimu srd. Tradutziones Frantzesu soupirail Ingresu airhole Ispagnolu respiradero Italianu sfiatatóio, sfogatóio Tedescu Luftloch, Abzug.

«« Torra a chircare