abbordài , vrb: abbrodai, bordai Definitzione fàere una genia de cosidura totu a mustras, a figuras, disegnos, in s’orrobba, cun filu de diferente colore po bellesa Sinònimos e contràrios acupintare, obrare, recamai Frases a su sordau de Tunis dh'apu abbrodau is mígias… 2. est essia sa moda de is mucadoris abbrodaus, de is gunnedhas infetadas Ètimu srd. Tradutziones Frantzesu broder Ingresu to embroider Ispagnolu bordar Italianu ricamare Tedescu sticken.

bordài , vrb: abbordai, brodai, brodare Definitzione fàere mustras, disegnos, figuras cun d-una genia de cosidura a filu de diferente colore po bellesa in is trastos, in is orrollos / b. a tamburru, a ramus, a granu de órgiu Sinònimos e contràrios alamarare, obrare Frases abberi, pitzinnedhu innotzente, sa bertuledha chi mama tua at brodadu cun filos de oro! (G.Maieli) Ètimu spn., ctl. bordar, brodar Tradutziones Frantzesu broder Ingresu to embroider Ispagnolu bordar Italianu ricamare Tedescu sticken.

obràre , vrb Definitzione trebballare una cosa, mescamente orrobba a dha fàere prus bella, a figuras e àteru, cun s'agu; in cobertantza, fàere bellu, mudare Sinònimos e contràrios alamarare, bordai, orizare Frases su pitzinnu l'ant postu in su giógulu subr'a pannos obrados a oro e prendhas 2. su focu meu tentu ti at su coro: naschint rajos de oro chi ti obrant su sinu de ammajos (A.Brundhu) Ètimu ctl., spn. obrar Tradutziones Frantzesu broder Ingresu to embroider Ispagnolu bordar Italianu ricamare Tedescu sticken.

«« Torra a chircare