abantzaméntu , nm: avantzamentu Definitzione su andhare ainnanti, pruschetotu su andhare de bene in méngius; in is minieras, is tretos prus ainnanti inue si trebballat po ndhe bogare su materiale Sinònimos e contràrios avansada, avantzadura, avantzu 1 Frases si ti ses postu a istudiare, a fàghere avantzamentu, tandho! ◊ in logu de avantzamentu nd'emus a tenni pérdua manna 2. in miniera dhis tocada a caminai a pampadas me is avantzamentus (S.A.Spano) Ètimu srd. Tradutziones Frantzesu avance, avancée Ingresu advancement Ispagnolu avance, progreso Italianu avanzata, progrèsso Tedescu Vorrücken, Fortschritt.

mezóru , nm: ammezoru Definitzione su mezorare in su istare e in is cosas, su chi si est fatu de méngius e de prus, su trebballu, s'òpera de prus o de méngius Sinònimos e contràrios meglioras, melloria Frases unu síndhigu legu no podet dare mezoros de giudu ◊ in cussa terra no bi aiat nudha, ma bi ant fatu mezoru e paret unu zardinu ◊ so matanendhe che isciau in s'isetu de fàghere mezoros ◊ aimis fatu unos cantos mezoros in foraldidha e fimis ispetendhe su collàudu ◊ pro cudhu màrture non bi aiat aficu de mezoru Sambenados e Provèrbios prb: chie mezorat in domo anzena ndhe perdet su mezoru Ètimu srd. Tradutziones Frantzesu amélioration, progrès Ingresu improvement Ispagnolu mejora Italianu migliorìa, progrèsso Tedescu Verbesserung.

progréssu , nm Definitzione cambiamentu in méngius, nau de css. cosa, ma pruschetotu de sa civiltade, de sa manera de èssere e de bívere o istare de sa gente ogetivamente méngius Frases in totue leadu at possessu su rajolu de fàghere interessu e fagher piús male e li narant progressu! (Grolle) Tradutziones Frantzesu progrès Ingresu progress Ispagnolu progreso Italianu progrèsso Tedescu Fortschritt.

«« Torra a chircare