Ditzionàriu in línia
de sa limba e de sa cultura sarda

atamanàu , pps, agt Definitzione de atamanare; chi est de totunu andhare Sinònimos e contràrios paramiche, pèrpere, tamagnu Tradutziones Frantzesu uniforme, homogène Ingresu homogeneus Ispagnolu homogéneo, uniforme Italianu unifórme, omogèneo Tedescu einheitlich, homogen.

paramíche , agt: paremiche, paremighe, parímighe Definitzione chi est de totunu andhare Sinònimos e contràrios parinzu, parívile, pèrpere, tamagnu Frases sunt fozos cun sos oros totu paramiches ◊ sunt orgonanne su linu a cropos parímighes ◊ abbaidada dae segus, cussa fémina est totu paremighe paret banca de suíghere! Tradutziones Frantzesu homogène, uniforme Ingresu homogeneous Ispagnolu homogéneo Italianu omogèneo, unifórme Tedescu gleichförmig.

parínzu , agt, nm Definitzione nau de logu, chi est in paris, parighinu, bàsciu; chi est totu de unu matessi andhare; unu tretu o logu in paris Sinònimos e contràrios parinale, parívile / pàrina, paris, pàtiu 3. fio camminandhe in custu parinzu mannu tra su sàrtiu de Lei e de bidha Ètimu srd. Tradutziones Frantzesu plane, égal Ingresu equal Ispagnolu igual, liso Italianu pari, omogèneo Tedescu gleich, gleichartig.

parívile , agt Definitzione chi est totu o totue de su matessi andhare: de sa matessi grussària, de su matessi colore, o àteru piessignu o calidade / pane p. = cotu totu bene, chi no est pintuledhu Sinònimos e contràrios paramiche, parílighe, parinzu, perale, pèrpere, pespare, tamagnu | ctr. méschiu, trinadu Frases in bidha, ca est logu de monte, sa pressione de s'abba non est totue parívile: a bighinados est meda, in àteros est tropu paga Tradutziones Frantzesu homogène Ingresu homogeneous Ispagnolu homogéneo Italianu omogèneo Tedescu gleichartig, gleichförmig.

pèrpere , avb, agt: pérperu Definitzione chi est de totunu andhare, de sa matessi grussària, mannària, colore o àteru, totu pínnigu cracu; chi est meda, si narat fintzes in su sensu de sa firmesa de unu fàere (postu in forma de agt.) Sinònimos e contràrios paramiche, parinzu, parívile, perale | ctr. diferente, méschiu Frases cussu logu fit su rennu pèrpere de sa chessa ◊ su cras, semper pèrpere, gruspit benenu ◊ sicu pèrpere chi ti acatent! ◊ su pitzinnu fit fascau totu pèrpere ◊ su nibe fit pèrpere ◊ s'erba fit naschindhe pèrpere totube ◊ sa cosa bi la dades pèrpere a su muru, pro no bi sumire abba 2. fint tempos de gherra e de bisonzu pérperu Ètimu ltn. perpere Tradutziones Frantzesu uniforme, homogène, complètement Ingresu uniform, completely Ispagnolu unifome, homogéneo, completamente Italianu unifórme, omogèneo, completaménte Tedescu gleichförmig, einheitlich, vollständig, völlig, ganz.