Legenda Incurtzaduras | Legenda Sìmbulos

àglia , nf: alza, àrgia, arza, arxa, àrxara Definitzione àrgia ispitzuladora o arza pinta, bobboi malu, arangiolu velenosu chi candho móssigat dolet meda e a tempus longu chi unu agiummai s’imbortighinat: cust'arangiolu faet su niu in terra, in mesu de s'erba, est iscuriosu de colore, portat tréighi marchighedhos orrúbios in sa parte de sa bentre (a parte de pitzu); in calecunu logu su matessi númene dhu narant a una genia de frommiga velenosa ma chi no faet deasi male; a logos narant àrgia a dónnia arangiolu e sa velenosa est ispitzuladora / s'àrgia est de tres arratzas: bagadia (froria, colore de orrosa), cojada (orrúbia), fiuda (niedha) Sinònimos e contràrios acuasantera 1, assàrgia, bàrgia* Maneras de nàrrere csn: fàghere su ballu de s'arza a unu = fai su ballu pro unu chi dh'at ispitzuau s'àrgia; èssere ferenau che un'àrgia = crependhe de su fele Frases arza niedha pinta fatesit fizos trinta ◊ mossu de arza, tocu de campana! ◊ s'est sadhiu pariat chi dh'iat puntu s'àrgia ◊ su spítzulu de s'àrgia fait bènni iscimíngius de conca ◊ sa puntura de s'àrgia mascu dolet de prus 2. su ballu de s'arza chi ti fetant! ◊ zai ses maseda… paret chi ti at mossigadu un'arza de ballos! Terminologia iscientìfica crp, latrodectus tredecim-guttatus, myrmilla erythrocephala Tradutziones Frantzesu veuve noire méditerranéenne Ingresu Mediterranean black widow Ispagnolu araña sangrienta, viuda negra europea Italianu malmignatta Tedescu Mediterrane Schwarze Witwe.

soloíga, solóiga , nf: solorga, solóriga Definitzione genia de arangiolu malu che a s'àrgia (dhi narant arranzolu de s'arza, arangiolu sulau): sa puntura est dolorosa meda; a logos est una genia de formiga manna Sinònimos e contràrios anzalora, anzalóriga, suiga / aragnolu Terminologia iscientìfica crp Tradutziones Frantzesu malmignatte Ingresu malmignatte Ispagnolu viuda negra Italianu malmignatta Tedescu Malmignatte.

suíga , nf Definitzione genia de arangiolu malu che a s'àrgia (dhi narant arranzolu de s'arza, arangiolu sulau): sa puntura est dolorosa meda Sinònimos e contràrios anzalora, anzalóriga, solóiga* / aragnolu Frases chi ti cantit sa suiga!…◊ sa suiga ispítzulat ◊ petonadí, ca portas sa conca che unu niu de suigas! Terminologia iscientìfica crp, lycosa radiata, l. tarentula Tradutziones Frantzesu malmignatte Ingresu malmignatte Ispagnolu tarántula Italianu malmignatta Tedescu Malmignatte.

«« Torra a chircare